GOBI 65 and CABBAGE RICE

     

                                കോളിഫ്ലവർ 65 & കാബേജ് റൈസ്

കോളിഫ്ലവർ 65

   കോളിഫ്ലവർ  വലിയ കഷണങ്ങൾ -1 കപ്പ്‌
ഇഞ്ചി വെളുത്തുള്ളി പേസ്റ്റ് -1 ടീസ്പൂൺ
ഗരം മസാല -1 ടീസ്പൂൺ
പിരിയൻ മുളക് പൊടി -2 ടീസ്പൂൺ
മൈദ - 1 ടീസ്പൂൺ
കോൺഫ്ലവർ - 4 ടേബിൾ സ്പൂൺ
കുരുമുളക് പൊടി -1 ടീസ്പൂൺ
സൺഫ്ലവർ ഓയിൽ -വറുക്കാൻ ആവശ്യത്തിന്
ഉപ്പ്


ഒരുപാത്രത്തിൽ ഉപ്പു ചേർത്ത് വെള്ളം തിളപ്പിക്കുക .കോളിഫ്ലവർ കഷണങ്ങൾ തിളച്ച വെള്ളത്തിലേക്ക്‌ ഇട്ടു 3  മിനിറ്റ് വേവിച്ചു കോരി വെള്ളം ഊറ്റി കളയുക .

മറ്റൊരു പാത്രത്തിൽ അളവ് മൈദ ,കോൺഫ്ലവർ ,ഇഞ്ചിവെളുത്തുള്ളി പേസ്റ്റ് ,
മുളക് പൊടി ,ഉപ്പ് എന്നിവ വെള്ളം ചേർത്ത് പേസ്റ്റ് ആക്കുക .ഇതിലേക്ക് വാട്ടി വെച്ചിരിക്കുന്ന കോളിഫ്ലവർ ചേർത്ത് നന്നായി മിക്സ്‌ ചെയ്യുക .
ഒരു ചീനച്ചട്ടിയിൽ എണ്ണ ചൂടാക്കി മാവിൽ മുക്കിയ കോളിഫ്ലവർ വറുത്തു കോരുക .അൽപസമയം കഴിഞ്ഞു വറുത്തു വെച്ച കോളിഫ്ലവർ ഒന്നുകൂടി കരുമുരുപ്പായി വറുത്തു കോരുക .രണ്ടാമത്തെ പ്രാവശ്യം വറുക്കുന്ന കൂട്ടത്തിൽ കുറച്ചു പച്ചമുളകും കറിവേപ്പിലയും കൂടി ഇട്ടു വറുത്തു കോരുക .

                                    കാബേജ് റൈസ്

കാബേജ്  അരിഞ്ഞത് - 1 കപ്പ്‌
മുട്ട -2
സെലറി അരിഞ്ഞത് -1 ടേബിൾ സ്പൂൺ
സോയാബീൻ സോസ് -1 ടേബിൾ സ്പൂൺ
കുരുമുളക് പൊടി -1 ടീസ്പൂൺ
ഉപ്പ്
ബിരിയാണി അരി ഉപ്പിട്ട് വേവിച്ചത്  -2 കപ്പ്‌
സൺഫ്ലവർ ഓയിൽ -3 ടേബിൾ സ്പൂൺ

ഒരു ചുവട് കട്ടിയുള്ള പരന്ന പാത്രത്തിൽ 1 ടേബിൾ സ്പൂൺ സൺഫ്ലവർ ഓയിൽ ഒഴിക്കുക .
അതിലേക്ക് 2 മുട്ട പൊട്ടിച്ചു ഒഴിച്ച് ചിക്കി പൊരിക്കുക .അതിലേക്കു തന്നെ ബാക്കി ഓയിൽ കൂടി ഒഴിക്കുക . ,സെലറി അരിഞ്ഞത് ഇട്ടു വഴറ്റുക .തുടർന്ന് കാബേജ് അരിഞ്ഞത് ഇട്ടു ചെറുതായി വഴറ്റുക അതിലേക്ക് സോയാസോസും കുരുമുളക് പൊടിയും ഉപ്പും ചേർത്ത് നന്നായി ഇളക്കി യോജിപ്പിക്കുക .ഇതിലേക്ക് വേവിച്ചു വെച്ചിരിക്കുന്ന ചോറ് ചേർത്ത് പൊടിയാതെ ഇളക്കി യോജിപ്പിച്ച ശേഷം 2 മിനിറ്റ് മൂടി വെച്ച് വേവിക്കുക.

ചൂടോടു കൂടി കഴിക്കുക

PRAWN PULAV

                           

                                                  ചെമ്മീൻ പുലാവ്

വളരെ പെട്ടെന്ന് ഉണ്ടാക്കാവുന്ന ഒരു വിഭവം ആണ് ചെമ്മീൻ പുലാവ് .

ആവശ്യമുള്ള സാധനങ്ങൾ

ചെമ്മീൻ വൃത്തിയാക്കിയത് -1 കപ്പ്‌  
ബിരിയാണി അരി -2 കപ്പ്‌
സവാള -2
ഇഞ്ചി -ഒരിഞ്ച്
റ്റൊമറ്റൊ -1
പച്ച മുളക് -2
ഗ്രാമ്പൂ -6
ഏലക്ക -3 
കറുവാപ്പട്ട-2 ചെറിയ കഷണം
കുരുമുളക് -1 ടീസ്പൂൺ
മുളക് പൊടി -അര ടീസ്പൂൺ
മഞ്ഞൾ പൊടി -കാൽ ടീസ്പൂൺ
ഗരം മസാല - അര ടീസ്പൂൺ
തേങ്ങാപാൽ -അര കപ്പ്‌
വെള്ളം -ഒന്നര കപ്പ്‌
നെയ്യ്- 3  ടേബിൾ സ്പൂൺ
മല്ലിയില അരിഞ്ഞത് -1 ടേബിൾ സ്പൂൺ
പുതിനയില അരിഞ്ഞത് -1 ടേബിൾ സ്പൂൺ 

• ബിരിയാണി അരി  പതിനഞ്ചു മിനിറ്റ് വെള്ളത്തിൽ കുതിർക്കുക 
• ഒരു ചുവട് കട്ടിയുള്ള പാത്രം അടുപ്പത്ത് വെച്ച് ചൂടാവുമ്പോൾ 1 ടേബിൾ സ്പൂൺ  നെയ്യ് ഒഴിക്കുക .നെയ്യ് ചൂടാവുമ്പോൾ അതിലേക്ക് കഴുകി വെച്ചിരിക്കുന്ന ചെമ്മീൻ ഇട്ടു ചെറുതായി ഒന്ന് വറുത്തു കോരുക.അതിനു ശേഷം ബാക്കി നെയ്യ് കൂടി ഒഴിച്ച്  ഗ്രാമ്പൂ ,കറുവാപട്ട ,ഏലക്ക  കുരുമുളക് എന്നിവ ചേർത്ത് മൂപ്പിക്കുക.
• മസാല മൂത്ത മണം വരുമ്പോൾ ചെറുതായി അരിഞ്ഞ സവാള ,പിളർന്ന പച്ചമുളക് ,ഘനം കുറച്ച് അരിഞ്ഞതും ചേർത്ത് വഴറ്റുക .
• ആവശ്യത്തിന് ഉപ്പു ചേർക്കുക .തുടർന്ന് ടൊമാറ്റോ ചെറുതായി അരിഞ്ഞത് വഴറ്റുക .
• ടൊമാറ്റോ നന്നായി വഴന്നു കഴിയുമ്പോൾ അളവ് വെള്ളവും തേങ്ങാപ്പാലും ഇലകളും ചേർക്കുക .

ഉപ്പ് ഒന്നുകൂടി പാകമാക്കിയത്തിനു ശേഷം കുതിർത്തഅരിയും വറുത്ത ചെമ്മീനും  ചേർത്ത് മൂടി വെച്ച് വേവിക്കുക .

അരിഞ്ഞമല്ലിയില വിതറി ചൂടോടുകൂടി വിളമ്പുക 

GULAB JAMUN

             #AA RAMADAN STAR OF THE MONTH.  LEVEL 2

                                 ഗുലാബ് ജാം

പാൽ പൊടി -1 കപ്പ്‌
പാൽ -അര കപ്പ്‌
വെണ്ണ -50 g 
മൈദ -അര കപ്പ്‌
സൺഫ്ലവർ ഓയിൽ -അര കപ്പ്‌
നെയ്യ് -1 ടേബിൾ സ്പൂൺ
പഞ്ചസാര -2 കപ്പ്‌
വെള്ളം -1 കപ്പ്‌
പനിനീർ -കാൽ ടീസ്പൂൺ
ബേക്കിംഗ് പൗഡർ - ഒരു നുള്ള്
                          തയ്യാറാക്കുന്ന വിധം

പാൽപൊടി,ബേക്കിംഗ് പൗടെർ,മൈദ  എന്നിവ  വെണ്ണയുമായി നന്നായി തിരുമ്മി യോജിപ്പിക്കുക .ഇതിലേക്ക് അല്പാല്പം പാൽ ചേർത്ത് നല്ല മയത്തിൽ കുഴക്കുക .ചപ്പാത്തി മാവിനെക്കാൾ അയവുള്ള പാകത്തിൽ കുഴക്കുക .ഈ മാവു ചെറിയ നാരങ്ങാ വലിപ്പത്തിലെ ഉരുളകളാക്കി വെക്കുക

ഒരു പാനിൽ പഞ്ചസാര അളവ് വെള്ളം ചേർത്ത് തിളപ്പിച്ച്‌ പാനി ആക്കുക .ഇതിലേക്ക് കാൽ ടീസ്പൂൺ പനിനീർ ഒഴിക്കുക .പനിനീര് ഇല്ലെങ്കിൽ രണ്ടു ഏലക്ക പൊട്ടിച്ചു ഇട്ടാലും മതി

മറ്റൊരു കുഴിവുള്ള ചീനച്ചട്ടി അടുപ്പത്ത് വെച്ച് നെയ്യ് ഒഴിക്കുക .നെയ്യ് ഉരുകിയത്തിനു ശേഷം സൺ ഫ്ലവർ ഓയിൽ കൂടി ഒഴിക്കുക. ഈ എണ്ണ ഒരുപാട് ചൂടാവുന്നതിന് മുൻപേതന്നെ തയ്യാറാക്കി വെച്ചിരിക്കുന്ന ഉരുളകളിൽ രണ്ടോ മൂന്നോ ഉരുള പെറുക്കി ഇടുക .ചെറിയ തീയിൽ പൊടിയാതെ ചുറ്റും മൂപ്പിച്ചു എടുക്കുക .ചുറ്റിനും സ്വർണ്ണ നിറമാവുമ്പോൾ കോരി എടുത്തു എണ്ണ ഊറ്റി കളഞ്ഞതിന് ശേഷം പഞ്ചസാര പാനിയിലേക്ക് ഇടുക .പതിനഞ്ചു മിനിറ്റ് പാനിയിൽ കുതിർന്നതിനുശേഷം  ചെറിയ പാത്രങ്ങളിലേക്ക് പൊടിയാതെ വിളമ്പുക .

                    

CHILLY CHICKEN PASTA

             

                                    ചില്ലി ചിക്കൻ പാസ്ത



പാസ്ത-(അല്പം എണ്ണയും ഉപ്പും ചേർത്ത വെള്ളത്തിൽ
                    തിളപ്പിച്ച്‌ ഊറ്റിയത് )- 200 g
സവാള -2
പച്ച ,മഞ്ഞ ,ചുവപ്പ് നിറങ്ങളിലെ കാപ്സിക്കം -ഓരോ ചെറുത്‌
ഇഞ്ചി നീളത്തിൽ അരിഞ്ഞത്‌  -ഒരു ടീസ്പൂൺ
വെളുത്തുള്ളി നീളത്തിൽ അരിഞ്ഞത് - 1 ടീസ്പൂൺ
പച്ചമുളക് (ചരിച്ചു ചെറുതായി മുറിച്ചത് )-2
കാബേജ് ചതുരത്തിൽ മുറിച്ചത് -അര കപ്പ്‌
കാരറ്റ് വട്ടത്തിൽ മുറിച്ചത് - 2 ചെറുത്‌
ചിക്കൻ കഷണങ്ങൾ (ഉപ്പും കുരുമുളകും ഇട്ടു വേവിച്ചത്)-ഒരു കപ്പ്‌
സെലറി- ഒരു തണ്ട്  ചെറുതായി അരിഞ്ഞത്
സ്പ്രിംഗ് ഒനിയൻ -ഒരു പിടി (ചെറുതായി അരിഞ്ഞത്)
സൺഫ്ലവർ ഓയിൽ -4 ടേബിൾ സ്പൂൺ
ടൊമാറ്റോ സോസ് -3 ടേബിൾ സ്പൂൺ
സോയാബീൻ സോസ് - 1 ടേബിൾ സ്പൂൺ
കുരുമുളക് പൊടി - 1 ടീസ്പൂൺ
ചിക്കൻ സ്റ്റോക്ക്‌  -അര കപ്പ്‌


ഒരു നോൺസ്റ്റിക് പാൻ അടുപ്പത്ത് വെച്ച് ചൂടാവുമ്പോൾ എണ്ണ ഒഴിക്കുക .എണ്ണ ചൂടാവുമ്പോൾ അതിലേക്കു ഇഞ്ചി അരിഞ്ഞതും വെളുത്തുള്ളി അരിഞ്ഞതും ചേർത്ത് വഴറ്റുക .പിന്നീട് സെലറി അരിഞ്ഞത് ചേർത്ത്റ്വഴറ്റു ക .
അതിലേക്കു സവോള ചതുരത്തിൽ അരിഞ്ഞതും ഉപ്പും ചേർത്ത് വഴറ്റുക .
സവോള നിറം മാറുന്നതിനു മുൻപ് കാരറ്റ്  അരിഞ്ഞതും കാബേജ് അരിഞ്ഞതും ചേർക്കുക .നിറം മാറി തുടങ്ങുന്നതിനു മുൻപ് കാപ്സികം അരിഞ്ഞത് ചേർത്ത് വഴറ്റുക .തുടർന്ന് ചിക്കൻ ചേർത്ത് വഴറ്റുക .
ഇതിലേക്ക് കുരുമുളക് പൊടി ,ഉപ്പു ,ടൊമാറ്റോ സോസ് ,സോയ സോസ് എന്നിവ ചേർത്ത് വീണ്ടും വഴറ്റുക .ചിക്കൻ വെന്ത വെള്ളം ഉണ്ടെങ്കിൽ അതുകൂടി ചേർത്തതിനു ശേഷം വേവിച്ചു വെച്ചിരിക്കുന്ന പാസ്ത ചേർത്ത് നന്നായി ഇളക്കി യോജിപ്പിച്ച് എടുക്കുക .

PATHIRI AND DUCK CURRY

അരി  പത്തിരിയും താറാവ് കറിയും

പത്തിരി പൊടി -1 കപ്പ്‌
വെള്ളം -ഒന്നര കപ്പ്‌
നെയ്യ് -ഒരു ടീസ്പൂൺ
ഉപ്പ്

വെള്ളം ഉപ്പും നെയ്യും ചേർത്ത് തിളപ്പിക്കുക .അതിലേക്കു പത്തിരി പൊടി ചേർത്ത് തവി കണകൊണ്ട്‌ കുഴക്കുക .തീ അണക്കുക.ചൂടാറിയതിനുശേഷം കൈ കൊണ്ട് നന്നായി മർദിച്ച് കുഴക്കുക .ചെറിയ ഉരുളകളാക്കി  അരിപ്പൊടി പുരട്ടി ചപ്പാത്തി പോലെ പരത്തി നെയ്യിടാതെ ചുട്ടെടുക്കുക .നെയ്യിൽ വറ താളിച്ച്‌ ഉപ്പിട്ട തേങ്ങാപാൽ തയ്യാറാക്കി വെക്കുക .ഉപയോഗിക്കാൻ നേരം പത്തിരിയുടെ മുകളിൽ ഈ പാൽ ഒഴിച്ച് ഉപയോഗിക്കുക


താറാവ് കറി


താറാവ് കഷണങ്ങൾ -ഒരു കിലോ
സവാള-3
പച്ച മുളക് -4
ഇഞ്ചി വെളുത്തുള്ളി- ഒരു ടീസ്പൂൺ
ചതച്ചത് -1  ടീസ്പൂൺ
കറിവേപ്പില -ഒരു കതിർപ്പ്
ടൊമാറ്റോ -1
ഉരുളക്കിഴങ്ങ് -1

മുളക് പൊടി -രണ്ടര ടേബിൾ സ്പൂൺ
മല്ലിപ്പൊടി -2 ടേബിൾ സ്പൂൺ
മഞ്ഞൾ പൊടി -അര ടീസ്പൂൺ
ഗരം മസാല പൊടി  -1 ടീസ്പൂൺ
എണ്ണ -കാൽ കപ്പ്‌
ഉപ്പ്
വിന്നാഗിരി - 1 ടീസ്പൂൺ
തേങ്ങാപാൽ  -ഒരു കപ്പ്‌

• താറാവ് നന്നായി കഴുകി വാരി ഉപ്പും കുരുമുളക് പൊടിയും പുരട്ടി പത്തു മിനിറ്റ് വെക്കുക      
• ഒരു ഉണങ്ങിയ ചീനച്ചട്ടിയിൽ ബാക്കി പൊടികളെല്ലാം നന്നായി മൂപ്പിക്കുക 
• ഒരു പ്രഷർ കുക്കറിൽ എണ്ണ ഒഴിച്ച് അരപ്പ് പുരട്ടി വെച്ചിരിക്കുന്ന താറാവ് കഷണങ്ങൾ  ചെറുതായി വറുത്തു കോരുക .
• അതേ എണ്ണയിൽ സവാള ,പച്ചമുളക് എന്നിവ വഴറ്റുക .ശേഷം ഇഞ്ചി വെളുത്തുള്ളി പേസ്റ്റ് വഴറ്റുക .
• ടൊമാറ്റോ കൂടി ചേർത്ത് വഴറ്റുക  അതിനു ശേഷം മൂപ്പിച്ച പൊടികൾ അല്പം വെള്ളത്തിൽ കലക്കി ചേർത്ത് വഴറ്റുക .
• ഇതിലേക്ക് ഒരു കപ്പ്‌ വെള്ളവും വിന്നാഗിരിയും പോരാത്ത ഉപ്പും ചേർത്ത് ഇളക്കി ഇറച്ചിയും കൂടി ചേർത്ത് കുക്കർ  അടച്ചു  വേവിക്കുക .
• പാകത്തിന് വെന്ത ശേഷം ഒരു കപ്പ്‌ തേങ്ങാപാൽ കൂടി ചേർത്ത് എണ്ണ തെളിയുന്നത് വരെ തിളപ്പിച്ച്‌ വറ്റിക്കുക.
• വട്ടത്തിൽ അരിഞ്ഞു വറുത്ത ഉരുളക്കിഴങ്ങ് കൂടി കറിയിൽ ചേർക്കുക 

MUTTA SIRKKA (EGG SIRKKS)

                                     EGG SIRKKA    

This is an Indian cuisine.Actually it is a traditional malabar Iftar dish.This is very easy to preapare and can be used as a main course just like chappathi,poori,pathiri etc.

Ingradients

Raw rice  - 2 cups

coconut scrapes- half a cup
egg - 2 nos
boiled rice-2 table spoon
baking soda- half teaspoon
salt to taste
oil-to fry
Method of cooking

• Soak the raw rice in water for four hours

• Grind the raw rice in a blender. Add water little by little while grinding then add eggs,coconut scrapes,boiled rice,baking soda and salt. Grind again to get a smooth consistency.The batter should not be too thick or too thin .You can add more water if needed to get the medium consistency.keep it aside for 15 to 20 minutes

• Heat oil in a deep bottomed wok.When the oil starts boiling,simmer the flame and pour a spoon full of batter to the oil.

• Press down the sirkka slightly with a laddle or pour the hot oil over the sirkka with a laddle so that it puff up well.

• Flip the sirkka and fry again till it get a golden colour.

Drain the oil and serve hot with any suitable non vegitarian side dish.

NB: Fry one sirkka at a time .other wise there is a chance to get soaked in oil.

                മുട്ട സിർക്ക 

പച്ചരി -2 കപ്പ്‌

തേങ്ങാ പീര -അര കപ്പ്‌

മുട്ട -2 

ചോറ് -2 ടേബിൾ സ്പൂൺ 

സോഡാപ്പൊടി -അര ടീസ്പൂൺ 

എണ്ണ -വറുക്കുന്നതിനു ആവശ്യമായത് 

ഉപ്പു 

പച്ചരി നാല് മണിക്കൂർ വെള്ളത്തിൽ കുതിർക്കുക .കുതിർത്ത പച്ചരി, തേങ്ങ ചോറ്,മുട്ട ,ഉപ്പു,സോടാപ്പൊടി എന്നിവ ചേർത്ത് അപ്പത്തിനു അരക്കുന്നതുപോലെ നന്നായി അരക്കുക .അരച്ച മാവ് പതിനഞ്ചു മിനിറ്റ് പൊങ്ങാൻ വെക്കുക .ഒരു കുഴിവുള്ള ചീനച്ചട്ടിയിൽ എണ്ണ ഒഴിച്ച് തിളക്കുമ്പോൾ ഓരോ സ്പൂൺ മാവു കോരി ഒഴിക്കുക.ഇത് പൂരി പോലെ കുമിളച്ചു പൊങ്ങി വരും .തിളച്ച എണ്ണ ഒരു സ്പൂൺ ഉപയോഗിച്ച് കോരിമുകളിൽ ഒഴിച്ച് കൊടുത്താൽ സിർക്ക പെട്ടെന്ന് കുമിളക്കും .സ്പൂൺ ഉപയോഗിച്ച് മറിച്ചിട്ട് ഒന്നുകൂടി മൊരിക്കുക .എല്ലായിടവും ഒരുപോലെ സ്വർണ്ണനിരമാവുമ്പോൾ കോരി എടുത്തു എണ്ണ വാലാൻ വെക്കുക .

ചൂടോടുകൂടെ കഴിക്കുക .ഇത് ബീഫ് ,ചിക്കൻ ,മട്ടൻ  എന്നീ 

കറികളുടെ കൂടെ കഴിക്കാം 

NB :ഒരു സമയത്ത് ഓരോന്നുവീതം മാത്രം വറുത്തു എടുക്കുക.