NEYYADA (MALABAR SPECIAL)

നെയ്യട

 മലബാര്‍ ഇഫ്താര്‍ സ്പെഷ്യല്‍ നെയ്യട 

ആവിയില്‍  വേവിച്ചെടുക്കുന്ന ഒരു മധുര പലഹാരം.

മൈദ-3 table spoon
പാല്‍ - 1 cup
മുട്ട -3
പഞ്ചസാര -3table spoon
ഏലയ്കാപ്പൊടി -1/4 table spoon
നെയ്
ഉപ്പ്

മൈദ ഒരുകപ്പ് പാലില്‍ കട്ടയില്ലാതെ നേര്‍മ്മയായി കലക്കുക.അതിലേക്ക് ഒരുനുള്ള് ഉപ്പും ചേര്‍ത്ത് ഇളക്കി മാറ്റി വെയ്കുുക.മൂന്ന് മുട്ട പഞ്ചസാരയും ഏലയ്കാപ്പൊടിയും ചേര്‍ത്ത് നന്നായി ഇളക്കി മാറ്റിവെക്കുക. ഒരു അപ്പച്ചെമ്പ് ആവശ്യത്തിന് വെള്ളമൊഴിച്ച് അടുപ്പത്ത് വെയ്ക്കുക.ഒരുപാത്രത്തില്‍ നെയ് തടവി അത് അപ്പച്ചെമ്പിലേക്ക് ഇറക്കി വെയ്കുുക.അതിലേക്ക് ഒരുസ്പൂണ്‍ മൈദാമാവ് നേര്‍മ്മയായി കലക്കിയത്ഒഴിച്ച് നിരത്തുക.മൂ ടിവെച്ച് അല്പ സമയം വേവിക്കുക.ഉറച്ചു കഴിഞ്ഞാല്‍ അതിന്റെ മുകളില്‍ ഒരു ലെയര്‍ മുട്ടക്കൂട്ട് നിരത്തുക.വീണ്ടും മൂ ടിവെച്ച് വേവിക്കുക.ഉറച്ചുകഴിഞ്ഞാല്‍ ഒരുസ്പൂണ്‍ നെയ് നിരത്തുക.അതിനുശേഷം മുകളില്‍ വീണ്ടും മൈദക്കൂട്ട് ഒഴിക്കുക ഉറച്ചതിനുശേഷം മുട്ടക്കൂട്ട് പിന്നെ നെയ് അങ്ങിനെ കൂട്ട് തീരുന്നതുവരെ ഇത് തുടരുക.അവസാനത്തെ മൈദ ലെയര്‍ ഒരുനുള്ള് ഫുഡ്കളര്‍ ചേര്‍ത്ത് നിരപ്പായി ഒഴിക്കുക.മൂ ടിവെച്ച് പത്ത് മിനിട്ട്കൂടി ആവിയില്‍ വേവിക്കുക.ഉറക്കുന്നതിന് മുന്‍പ് നെയ്യില്‍ മൂ പ്പിച്ച അണ്ടിപ്പരിപ്പ് മുകളില്‍ പതിച്ച് വെക്കുക

                                         

 

KARIMEEN POLLICHATHU

കരിമീൻ പൊള്ളിച്ചത്

ആലപ്പുഴക്ക് അതിൻറെതായ ചില രുചിപെരുമകൾ ഉണ്ട് .കിഴക്കിൻറെ വെനീസ് എന്ന് അറിയപ്പെടുന്ന ഞങ്ങളുടെ ആലപ്പുഴ ഇനിയെങ്കിലും കാണാത്ത ആരെങ്കിലും ഉണ്ടെങ്കിൽ ഇനി താമസിക്കരുത്‌ .ഞങ്ങളുടെ വേമ്പനാട്ടു കായലിലൂടെ ഒരു കെട്ടുവള്ളത്തിൽ ഒരു യാത്ര ഉടൻ പ്ലാൻ ചെയ്തോളു .ഒരിക്കലും മറക്കാനാവാത്ത ഒരു അനുഭവം ആയിരിക്കും അത് .ഏതു കൊടിയ വേനലിലും തണുത്ത കുളിർകാറ്റു വീശുന്ന വേമ്പനാട്ടു കായലിൻറെ വിരിമാറിലൂടെ നീർകാക്കയുടെയും നെയ്യാമ്പൽ പൂക്കളുടെയും നടുവിലൂടെ ഒരു യാത്ര .

മാത്രമോ കുട്ടനാടാൻ വഞ്ചി വിഭവങ്ങൾ ആസ്വദിക്കാൻ ഒരു അവസരവും കൂടി .ഞങ്ങളുടെ കായൽ,കുയിൽ ,കരിമീൻ എല്ലാം അടുത്തറിയൂ ......എല്ലാവരേയും ഈ ഭൂമിയിലെ സ്വർഗത്തിലേക്ക് സ്വാഗതം ചെയ്യുന്നു .

ആലപ്പുഴയുടെ സ്വന്തം വിഭവമാണ് വാഴയിലയിൽ പൊള്ളിച്ച കരിമീൻ 

വാഴയില ഇല്ലാത്തവർക്ക് nonstick പാനിലും ചെയ്യാം .

കരിമീൻ -2 

സവാള (ചെറുത്‌) -2 

ടൊമാറ്റോ (ചെറുത്‌)-2 

പച്ചമുളക് -5 

ഇഞ്ചി -1 ഇഞ്ച്‌ 

കറിവേപ്പില 

മഞ്ഞൾ പൊടി -കാൽ ടീസ്പൂൺ 

പിരിയൻ മുളക് പൊടി -4 ടീസ്പൂൺ 

കുടം പുളി -ഒരു ചെറിയ കഷണം 

തേങ്ങാപ്പാൽ -ഒരു കപ്പ്‌ 

ഉപ്പു 

വെളിച്ചെണ്ണ -4 ടേബിൾ സ്പൂൺ

കരിമീൻ വെട്ടി കഴുകി വൃത്തിയാക്കി എടുക്കുക.രണ്ടു പുറവും കത്തികൊണ്ട് അടുപ്പിച്ചു വരയുക .

രണ്ടു ടീസ്പൂൺ മുളകുപൊടി ,കാൽ ടീസ്പൂൺ മഞ്ഞൾ പൊടി ,ഉപ്പ് എന്നിവ അല്പം വെള്ളം ചേർത്ത് പേസ്റ്റ് ആക്കി മീനിൻറെ അകത്തും പുറത്തും തേച്ചു പിടിപ്പിക്കുക .ഒരു നോൻസ്ടിക് പാനിൽ രണ്ടു ടേബിൾ സ്പൂൺ എണ്ണ ഒഴിച്ച് ചൂടാവുമ്പോൾ അരച്ച് പുരട്ടിയ കരിമീൻ രണ്ടുപുറവും ചെറുതായി ഒന്ന് വാട്ടി എടുക്കുക .ഒരു കാരണവശാലും മൊരിഞ്ഞു പോകരുത് .

കരിമീൻ കോരി എടുത്തതിന് ശേഷം പാനിലേക്ക് ബാക്കി എണ്ണ കൂടി ഒഴിക്കുക .ഇതിൽ രണ്ടു സവാള അരിഞ്ഞതും അഞ്ചു പച്ചമുളക് പിളർന്നതും ഇഞ്ചി അരിഞ്ഞതും ചേർത്ത് നന്നായി വഴറ്റുക .വഴന്ന് തുടങ്ങുമ്പോൾ ടൊമാറ്റോ അരിഞ്ഞത് ചേർത്ത് വഴറ്റുക .ടൊമാറ്റോ നന്നായി വാടി കഴിയുമ്പോൾ ബാക്കി മുളകുപൊടി ,അല്പം ഉപ്പ് എന്നിവചേർത്ത് വീണ്ടും വഴറ്റുക .മീനിൽ പുരട്ടിയ അരപ്പ് ബാക്കി ഉണ്ടെങ്കിൽ അതുകൂടി ചേർത്ത് രണ്ടു മിനിറ്റ് കുറഞ്ഞ തീയിൽ വഴറ്റുക .ഇതിലേക്ക് ഒരു കപ്പ്‌ തേങ്ങാപാൽ ചേർക്കുക .പോരാത്ത ഉപ്പും കുടമ്പുളിയും ചേർത്ത് ചാർ തിളക്കാൻ തുടങ്ങുമ്പോൾ വറുത്തു വെച്ചിരിക്കുന്ന മീൻ എടുത്തു ഇറക്കി വെക്കുക .സ്പൂൺ ഉപയോഗിച്ച് ചാറ് കോരി മീനിൻറെ മുകളിൽ ഒഴിച്ച് കൊടുക്കുക .കുറച്ചു സമയത്തിന് ശേഷം മീൻ മറിച്ചിടുക .കുറഞ്ഞ തീയിൽ ചാറ് വറ്റിച്ചു എണ്ണ തെളിയുമ്പോൾ തീ അണയ്ക്കാം .

സവാള അരിഞ്ഞത് ,റ്റൊമറ്റൊ അരിഞ്ഞതു ,ഒരുമുറി നാരങ്ങ എന്നിവ വെച്ച് അലങ്കരിച്ചു വിളമ്പുക .

COCONUT RICE

COCONUT RICE

(തേങ്ങാ സാദം )

ഇന്നിതാ ഒരു പുതുമയാർന്ന വിഭവവും കൊണ്ടാണ് ഞാൻ വന്നിരിക്കുന്നത് .കാഴ്ചയിലെ പോലെ തന്നെ രുചിയിലും ലാളിത്യം പുലർത്തുന്ന ഒരു അരി ആഹാരം .
അച്ചാർ മുതൽ മട്ടൻ ചുക്ക വരെയുള്ള എല്ലാ വിധ കറികളോടും പിണക്കമില്ലാതെ യോജിച്ചു പോവുന്ന ഒരു ഡിഷ്‌ .
ഉണ്ടാക്കാൻ വേണ്ട സമയം - 5 മിനിറ്റ്

ബിരിയാണി അരി - ഒന്നര കപ്പ്‌
തേങ്ങ -ഒരു കപ്പ്‌
അണ്ടി പരിപ്പ് -6
നെയ്‌ ഉരുക്കിയത് - 2 ടേബിൾ സ്പൂൺ (അളവു കൂടും തോറും രുചി കൂടും )

അരി ഉപ്പിട്ട് പാകത്തിന് വേവിച്ചു ഊറ്റി വെക്കുക
ഒരു ചീനച്ചട്ടി അടുപ്പത് വെച്ച് ഉരുക്കിയ നെയ്‌ ഒഴിക്കുക .
അതിലേക്കു അണ്ടിപ്പരിപ്പ് പിളർന്നത് ഇട്ടു മൂപ്പിച്ചു എടുക്കുക
തുടർന്ന് തേങ്ങാപീര കൂടി ചേർത്ത് 2 മിനിറ്റ് കൂടി മൂപ്പിക്കുക .പാകത്തിന് ഉപ്പു ചേർക്കുക .
ഇതിലേക്ക് വേവിച്ച ചോറ് കുടഞ്ഞിട്ടു നന്നായി ഒന്ന് ഇളക്കി യോജിപ്പിക്കുക .1 മിനിറ്റ് കൂടി കുറഞ്ഞ തീയിൽ
പൊടിയാതെ ഇളക്കിയെടുക്കുക .ചൂടോടു കൂടെ കഴിക്കുക

FISH CURRY (KOTTAYAM STYLE)

 KOTTAYAM STYLE FISH CURRY

 നല്ല തുമ്പപ്പൂ നിറമുള്ള ലേസ് വെച്ച പാലപ്പവും നല്ല ചുക ചുകാന്നു ചുവന്ന കോട്ടയം 

സ്റ്റൈൽ മീൻ കറിയും ആയാലോ ?നല്ല ഒന്നാംതരം combination ആണ് .മാത്രമല്ല ആരോഗ്യകരവുമാണ് .
കോട്ടയംകാർ മുളകുപൊടി ഇട്ടു മീൻകറി വെക്കും .ആലപ്പുഴക്കാർ തേങ്ങാ അരച്ച് മീൻകറി വെക്കും .
എല്ലാം ഒന്നിനൊന്നു മികച്ചത് .കോട്ടയം മീൻകറി, കാണാൻ കുറച്ചുകൂടി മൊഞ്ചത്തിയാണ് .
പാലപ്പം ഉണ്ടാക്കാൻ എല്ലാവർക്കും അറിയാവുന്ന സ്ഥിതിക്ക് കോട്ടയം മീൻകറിയുടെ recipe പറയാം .

കോട്ടയം മീൻകറി

നല്ല ദശകട്ടിയുള്ള മീൻ -1 കിലോ
ചുവന്നുള്ളി -അര കപ്പ്‌ ( അളവ് കൂടിയാൽ നല്ലത്)
വെളുത്തുള്ളി -ഒരു കുടം
കുടം പുളി -2 വലിയ കഷണം
പച്ചമുളക് -4
ഇഞ്ചി -1 ഇഞ്ച്‌ (നീളത്തിൽ അരിഞ്ഞു വെക്കുക )
തേങ്ങാപാൽ -3 കപ്പ്‌
പിരിയൻ മുളക് പൊടി -4 ടേബിൾ സ്പൂൺ
മല്ലിപൊടി -1 ടേബിൾ സ്പൂൺ
മഞ്ഞൾ പൊടി -അര ടീസ്പൂൺ
എണ്ണ -4 ടേബിൾ സ്പൂൺ
ഉലുവ -കാൽ ടീസ്പൂൺ
കടുക് -അര ടീസ്പൂൺ
കറിവേപ്പില
ഉപ്പ്

ചുവന്നുള്ളി നീളത്തിൽ അരിഞ്ഞു എടുക്കുക .
വെളുത്തുള്ളി തൊലി കളഞ്ഞു വൃത്തിയാക്കുക .അരിയേണ്ടത് ഇല്ല .
പച്ചമുളക് പിളർന്നു വെക്കുക.
പൊടികളെല്ലാം അല്പം വെള്ളത്തിൽ കുഴച്ചു വെക്കുക .
കുടംപുളി കഴുകി കാൽ കപ്പ്‌ വെള്ളത്തിൽ ഇട്ടു വെക്കുക .

ഒരു ചീനച്ചട്ടിയിൽ എണ്ണ ചൂടാവുമ്പോൾ ആദ്യം കടുക് പൊട്ടിക്കുക തുടർന്നു ഉലുവ പൊട്ടിക്കുക .അതിന് ശേഷം വെളുത്തുള്ളി വഴറ്റുക ശേഷം അരിഞ്ഞു വെച്ചിരിക്കുന്ന ചുവന്നുള്ളി ,പച്ചമുളക് ,ഇഞ്ചി ,കറിവേപ്പില എന്നിവ വഴറ്റുക .നന്നായി വഴന്നു എണ്ണ തെളിയാൻ തുടങ്ങുമ്പോൾ വെള്ളത്തിൽ കുതിർത്തു വെച്ചിരിക്കുന്ന
പൊടികൾ ഇട്ടു വഴറ്റി മൂപ്പിക്കുക അതിനു ശേഷം തേങ്ങാപാൽ ചേർത്ത് പാകത്തിന് ഉപ്പും കുടംപുളി നാലായി കീറിയതും ചേർത്ത് നന്നായി തിളക്കുമ്പോൾ,തീകുറച്ച് ,കഴുകി പിഴിഞ്ഞ് വെള്ളം കളഞ്ഞ മീൻ കഷണങ്ങൾ ചേർത്ത് ചട്ടി മൂടിവെച്ചു എണ്ണ തെളിയുന്നത് വരെ ചാറ് വറ്റിക്കുക.
പാകം ചെയ്തു കഴിഞ്ഞു കുറച്ചു സമയം കഴിഞ്ഞു ഉപയോഗിക്കുന്നതായിരിക്കും നല്ലത് .മീൻ കഷണങ്ങളിൽ ഉപ്പും പുളിയും നന്നായി പിടിക്കാനാണ് ഇങ്ങനെ ചെയ്യുന്നത്

CHICKEN ROASTED WITH COCONUT MILK IN BANANA LEAF

കോഴിനിറച്ചു  വാഴയിലയിൽ പൊള്ളിച്ചത്‌


കോഴി മുഴുവനായി വൃത്തിയാക്കിയത് -1

മാരിനേറ്റ്  ചെയ്യാൻ ആവശ്യമുള്ള സാധനങ്ങൾ

പിരിയൻ മുളകുപൊടി -1 ടീസ്പൂൺ
മഞ്ഞൾ പൊടി -അര ടീസ്പൂൺ
കുരുമുളക് പൊടി -അര ടീസ്പൂൺ
ഗരം മസാല പൊടി -അര ടീസ്പൂൺ
ഇഞ്ചി വെളുത്തുള്ളി അരച്ചത് -1 ടീസ്പൂൺ
ഉപ്പ് -ആവശ്യത്തിന്

ഒരു ഫോർക്ക് ഉപയോഗിച്ചു,വൃത്തിയാക്കി വെച്ചിരിക്കുന്ന കോഴിയുടെ മുകൾ വശം മുഴുവൻ അടുപ്പിച്ചു അടുപ്പിച്ചു കുത്തുക .മാരിനേറ്റ് ചെയ്യാനുള്ള മസാലകളെല്ലാം കൂടി അല്പം വെള്ളം ചേർത്തു കുഴച്ചു കോഴിയുടെ അകത്തും പുറത്തും നന്നായി തേച്ചു പിടിപ്പിക്കുക .ഇങ്ങനെ മസാല പുരട്ടിയ കോഴി കുറഞ്ഞത് ഒരുമണിക്കൂർ നേരത്തേക്ക് അനക്കാതെ മാറ്റിവെക്കുക .ഫ്രിഡ്ജിൽ വെക്കുന്നത് കൂടുതൽ നന്നായിരിക്കും.

മറ്റു ചേരുവകകൾ

വെളിച്ചെണ്ണ -കാൽ കപ്പ്
ചുവന്നുള്ളി നീളത്തിൽ അരിഞ്ഞത് -1 കപ്പ്
തേങ്ങാപ്പാൽ -2 കപ്പ്
റ്റൊമാറ്റോ -2
ഇഞ്ചി ചെറുതായി അരിഞ്ഞത് -1 ടേബിൾ സ്പൂൺ
പച്ചമുളക് -4
കറിവേപ്പില -2 കതിർപ്പ്
പിരിയൻ മുളകുപൊടി -ഒന്നര ടേബിൾ സ്പൂൺ
ഗരം മസാല -1 ടീസ്പൂൺ
മഞ്ഞൾ പൊടി -കാൽ ടീസ്പൂൺ
മുട്ട പുഴുങ്ങിയത് -3

തയ്യാറാക്കുന്ന വിധം

ഒരു നോൺസ്റ്റിക് പാനിൽ കാൽ കപ്പ് എണ്ണ ഒഴിച്ചു ചൂടാവുമ്പോൾ ,അരപ്പ്പുരട്ടി വെച്ചിരിക്കുന്ന കോഴി ഇട്ടു തിരിച്ചും മറിച്ചും ഇട്ടു ചെറുതായി വാട്ടി എടുക്കുക .കോഴി എണ്ണയിൽ നിന്നു മാറ്റിയ ശേഷം ,അതേ എണ്ണയിൽ തന്നെ ഉള്ളി ,ഇഞ്ചി ,പച്ചമുളക് പിളർന്നത് ,കറിവേപ്പില എന്നിവ വഴറ്റുക ,ഉള്ളി നിറം മാറാൻ തുടങ്ങുമ്പോൾ ഉപ്പ് ചേർക്കുക  , തുടർന്നു റ്റൊമാറ്റോ ചെറുതായി അരിഞ്ഞത് ചേർത്തു വഴറ്റുക .റ്റൊമാറ്റോ നന്നായി വെന്ത് കുഴയുമ്പോൾ പിരിയൻ മുളകുപൊടി ,ഗരം മസാല പൊടി ,മഞ്ഞൾ പൊടി എന്നിവ അല്പം വെള്ളത്തിൽ കുഴച്ചു ചേർക്കുക .
രണ്ടു മിനിറ്റു കൂടി വഴറ്റിയ ശേഷം  ഇതിൽ നിന്നു ഒരുസ്പൂൺ സവോളക്കൂട്ടു  കോരിയെടുത്തു രണ്ടു മുട്ടപുഴുങ്ങിയതും കൂടി കോഴിയുടെ ഉള്ളിലേക്ക് കയറ്റി വെക്കുക .ബാക്കി സവോള വഴറ്റിയതിലേക്ക് 2 കപ്പ് തേങ്ങാപാൽ ചേർക്കുക.ഉപ്പ് വേണമെങ്കിൽ വീണ്ടും ചേർത്തതിന് ശേഷം തീ അണക്കുക .


ഒരു കുഴിവുള്ള ,ചുവട് കട്ടിയുള്ള ചീനച്ചട്ടിയിൽ വാട്ടിയ വാഴയില നിരത്തുക .ഒന്നിന് മുകളിൽ മറ്റൊന്നായി  2 ഇല  വെക്കുന്നത് നന്നായിരിക്കും .
ഇതിലേക്ക് ചെറുതായി വറുത്തു വെച്ചിരിക്കുന്ന കോഴി ആദ്യം തന്നെ എടുത്തു വെക്കുക .ഇതിലേക്ക് തയ്യാറാക്കി വെച്ചിരിക്കുന്ന സവോള തേങ്ങാപ്പാൽ മിശ്രിതം ഒഴിക്കുക .ചെറിയ തീയിൽ മൂടി വെച്ചു വേവിക്കുക .
നന്നായി വെന്ത് കഴിഞ്ഞാൽ ,മൂടി തുറന്നുവെച്ചു കുറഞ്ഞ തീയിൽ ചാറ് വറ്റിക്കുക .ചാറ് പറ്റി ,എണ്ണ തെളിയുമ്പോൾ തീ അണക്കാം .

പത്തിരി ,ചപ്പാത്തി ,നെയ്‌ച്ചോറ് എന്നിവയുടെ കൂടെ കഴിക്കാൻ വളരെ നല്ലതാണ് .ഇതിൽ കൂടുതലും തേങ്ങാപ്പാൽ വറ്റി ഉണ്ടാവുന്ന എണ്ണയാണ് ചാറിൽ ഉള്ളത് അതുകൊണ്ടുതന്നെ വളരെ രുചികരവും ആരോഗ്യകരവുമായ ഒരു വിഭവമാണ് .എല്ലാവരും ഉണ്ടാക്കി നോക്കുക .


പുഴുങ്ങിയ മുട്ട ,തക്കാളി ,വെള്ളരി എന്നിവ ഉപ്പുപയോഗിച്ചു അലങ്കരിക്കുക


മല്ലിപ്പൊടി ഉപയോഗിക്കാത്തതുകൊണ്ടു പതിവ് രുചികളിൽ നിന്നു വേറിട്ട ഒരു രുചിയാണ് ഇത്തരത്തിൽ ചെയ്യുമ്പോൾ ലഭിക്കുന്നത് .

STUFFED CHICKEN FRY (MALABAR DISH)

മലബാർ  കോഴി നിറച്ചത്

കോഴി നിറച്ചു ഡ്രൈ ആയിട്ട് വറുക്കുന്ന രീതിയാണ്‌ ഇവിടെ കാണിച്ചിരിക്കുന്നത് .അവശ്യക്കാര്ക്ക് വേണമെങ്കിൽ ഗ്രേവി ടൈപ്പ് ആയും ചെയ്യാവുന്നതാണ്

കോഴി മുഴുവനായി വൃത്തിയാക്കിയത് -1 കിലോ
മുളക് പൊടി -2  ടേബിൾ സ്പൂൺ
മഞ്ഞൾ പൊടി -1 ടീസ്പൂൺ
കുരുമുളക് പൊടി -1 ടീസ്പൂൺ
ഉപ്പ്

ആദ്യം കോഴിയുടെ മുകളിൽ മുഴുവൻ ഫോർക്ക് കൊണ്ട് കുത്തി ചെറിയ സുഷിരങ്ങൾ ഉണ്ടാക്കുക .പൊടികളെല്ലാം അല്പം വെള്ളത്തിൽ കുഴച്ചു കോഴിയുടെ അകത്തും പുറത്തും ഒരുപോലെ തേച്ചു പിടിപ്പിക്കുക .ഇത് ഒരു മണിക്കൂർ നേരത്തേക്ക് അനങ്ങാതെ മൂടി വെച്ചേക്കുക .

സ്റ്റഫ്ഫിങ്ങ് ചെയ്യുന്നതിന്

മുട്ട പുഴുങ്ങി തോട് കളഞ്ഞത് -3
സവാള -3
ഇഞ്ചി വെളുത്തുള്ളി പേസ്റ്റ് -2 ടേബിൾ സ്പൂൺ
പച്ചമുളക് -3 എണ്ണം (പിളർന്നത്  )
ടൊമാറ്റോ -1
മുളക് പൊടി -1 ടേബിൾ സ്പൂൺ
മല്ലിപൊടി -2 ടേബിൾ സ്പൂൺ
മഞ്ഞൾ പൊടി - അര ടീസ്പൂൺ
ഗരം മസാല പൊടി -ഒരു ടീസ്പൂൺ
കുരുമുളക് പൊടി -അര ടീസ്പൂൺ
ഉപ്പു -ആവശ്യത്തിന്
എണ്ണ -വഴറ്റാനും വറുക്കാനും ആവശ്യത്തിന്


ഒരു പാനിൽ 3 ടേബിൾ സ്പൂൺ എണ്ണ ഒഴിച്ച് ചൂടാവുമ്പോൾ ,സവാള ,പച്ചമുളക് ,ഇഞ്ചി വെളുത്തുള്ളി പേസ്റ്റ് എന്നിവ യഥാക്രമം വഴറ്റുക .തുടർന്ന് ടൊമാറ്റോ അരിഞ്ഞത് ചേർത്ത് വഴറ്റുക തുടർന്ന് പൊടികളും ഉപ്പും ചേർത്ത് വഴറ്റുക .ഇതിലേക്ക് കാൽ കപ്പ്‌ വെള്ളം ചേർത്ത് തിളപ്പിച്ച്‌ വറ്റിക്കുക .പുഴുങ്ങിയ മുട്ട കൂടി ചേർത്ത് ഒന്നുകൂടി ഇളക്കി വാങ്ങി വെക്കുക.

PATHIRI AND DUCK CURRY

അരി  പത്തിരിയും താറാവ് കറിയും

പത്തിരി പൊടി -1 കപ്പ്‌
വെള്ളം -ഒന്നര കപ്പ്‌
നെയ്യ് -ഒരു ടീസ്പൂൺ
ഉപ്പ്

വെള്ളം ഉപ്പും നെയ്യും ചേർത്ത് തിളപ്പിക്കുക .അതിലേക്കു പത്തിരി പൊടി ചേർത്ത് തവി കണകൊണ്ട്‌ കുഴക്കുക .തീ അണക്കുക.ചൂടാറിയതിനുശേഷം കൈ കൊണ്ട് നന്നായി മർദിച്ച് കുഴക്കുക .ചെറിയ ഉരുളകളാക്കി  അരിപ്പൊടി പുരട്ടി ചപ്പാത്തി പോലെ പരത്തി നെയ്യിടാതെ ചുട്ടെടുക്കുക .നെയ്യിൽ വറ താളിച്ച്‌ ഉപ്പിട്ട തേങ്ങാപാൽ തയ്യാറാക്കി വെക്കുക .ഉപയോഗിക്കാൻ നേരം പത്തിരിയുടെ മുകളിൽ ഈ പാൽ ഒഴിച്ച് ഉപയോഗിക്കുക


താറാവ് കറി


താറാവ് കഷണങ്ങൾ -ഒരു കിലോ
സവാള-3
പച്ച മുളക് -4
ഇഞ്ചി വെളുത്തുള്ളി- ഒരു ടീസ്പൂൺ
ചതച്ചത് -1  ടീസ്പൂൺ
കറിവേപ്പില -ഒരു കതിർപ്പ്
ടൊമാറ്റോ -1
ഉരുളക്കിഴങ്ങ് -1

മുളക് പൊടി -രണ്ടര ടേബിൾ സ്പൂൺ
മല്ലിപ്പൊടി -2 ടേബിൾ സ്പൂൺ
മഞ്ഞൾ പൊടി -അര ടീസ്പൂൺ
ഗരം മസാല പൊടി  -1 ടീസ്പൂൺ
എണ്ണ -കാൽ കപ്പ്‌
ഉപ്പ്
വിന്നാഗിരി - 1 ടീസ്പൂൺ
തേങ്ങാപാൽ  -ഒരു കപ്പ്‌

• താറാവ് നന്നായി കഴുകി വാരി ഉപ്പും കുരുമുളക് പൊടിയും പുരട്ടി പത്തു മിനിറ്റ് വെക്കുക      
• ഒരു ഉണങ്ങിയ ചീനച്ചട്ടിയിൽ ബാക്കി പൊടികളെല്ലാം നന്നായി മൂപ്പിക്കുക 
• ഒരു പ്രഷർ കുക്കറിൽ എണ്ണ ഒഴിച്ച് അരപ്പ് പുരട്ടി വെച്ചിരിക്കുന്ന താറാവ് കഷണങ്ങൾ  ചെറുതായി വറുത്തു കോരുക .
• അതേ എണ്ണയിൽ സവാള ,പച്ചമുളക് എന്നിവ വഴറ്റുക .ശേഷം ഇഞ്ചി വെളുത്തുള്ളി പേസ്റ്റ് വഴറ്റുക .
• ടൊമാറ്റോ കൂടി ചേർത്ത് വഴറ്റുക  അതിനു ശേഷം മൂപ്പിച്ച പൊടികൾ അല്പം വെള്ളത്തിൽ കലക്കി ചേർത്ത് വഴറ്റുക .
• ഇതിലേക്ക് ഒരു കപ്പ്‌ വെള്ളവും വിന്നാഗിരിയും പോരാത്ത ഉപ്പും ചേർത്ത് ഇളക്കി ഇറച്ചിയും കൂടി ചേർത്ത് കുക്കർ  അടച്ചു  വേവിക്കുക .
• പാകത്തിന് വെന്ത ശേഷം ഒരു കപ്പ്‌ തേങ്ങാപാൽ കൂടി ചേർത്ത് എണ്ണ തെളിയുന്നത് വരെ തിളപ്പിച്ച്‌ വറ്റിക്കുക.
• വട്ടത്തിൽ അരിഞ്ഞു വറുത്ത ഉരുളക്കിഴങ്ങ് കൂടി കറിയിൽ ചേർക്കുക 

MUTTA SIRKKA (EGG SIRKKS)

                                     EGG SIRKKA    

This is an Indian cuisine.Actually it is a traditional malabar Iftar dish.This is very easy to preapare and can be used as a main course just like chappathi,poori,pathiri etc.

Ingradients

Raw rice  - 2 cups

coconut scrapes- half a cup
egg - 2 nos
boiled rice-2 table spoon
baking soda- half teaspoon
salt to taste
oil-to fry
Method of cooking

• Soak the raw rice in water for four hours

• Grind the raw rice in a blender. Add water little by little while grinding then add eggs,coconut scrapes,boiled rice,baking soda and salt. Grind again to get a smooth consistency.The batter should not be too thick or too thin .You can add more water if needed to get the medium consistency.keep it aside for 15 to 20 minutes

• Heat oil in a deep bottomed wok.When the oil starts boiling,simmer the flame and pour a spoon full of batter to the oil.

• Press down the sirkka slightly with a laddle or pour the hot oil over the sirkka with a laddle so that it puff up well.

• Flip the sirkka and fry again till it get a golden colour.

Drain the oil and serve hot with any suitable non vegitarian side dish.

NB: Fry one sirkka at a time .other wise there is a chance to get soaked in oil.

                മുട്ട സിർക്ക 

പച്ചരി -2 കപ്പ്‌

തേങ്ങാ പീര -അര കപ്പ്‌

മുട്ട -2 

ചോറ് -2 ടേബിൾ സ്പൂൺ 

സോഡാപ്പൊടി -അര ടീസ്പൂൺ 

എണ്ണ -വറുക്കുന്നതിനു ആവശ്യമായത് 

ഉപ്പു 

പച്ചരി നാല് മണിക്കൂർ വെള്ളത്തിൽ കുതിർക്കുക .കുതിർത്ത പച്ചരി, തേങ്ങ ചോറ്,മുട്ട ,ഉപ്പു,സോടാപ്പൊടി എന്നിവ ചേർത്ത് അപ്പത്തിനു അരക്കുന്നതുപോലെ നന്നായി അരക്കുക .അരച്ച മാവ് പതിനഞ്ചു മിനിറ്റ് പൊങ്ങാൻ വെക്കുക .ഒരു കുഴിവുള്ള ചീനച്ചട്ടിയിൽ എണ്ണ ഒഴിച്ച് തിളക്കുമ്പോൾ ഓരോ സ്പൂൺ മാവു കോരി ഒഴിക്കുക.ഇത് പൂരി പോലെ കുമിളച്ചു പൊങ്ങി വരും .തിളച്ച എണ്ണ ഒരു സ്പൂൺ ഉപയോഗിച്ച് കോരിമുകളിൽ ഒഴിച്ച് കൊടുത്താൽ സിർക്ക പെട്ടെന്ന് കുമിളക്കും .സ്പൂൺ ഉപയോഗിച്ച് മറിച്ചിട്ട് ഒന്നുകൂടി മൊരിക്കുക .എല്ലായിടവും ഒരുപോലെ സ്വർണ്ണനിരമാവുമ്പോൾ കോരി എടുത്തു എണ്ണ വാലാൻ വെക്കുക .

ചൂടോടുകൂടെ കഴിക്കുക .ഇത് ബീഫ് ,ചിക്കൻ ,മട്ടൻ  എന്നീ 

കറികളുടെ കൂടെ കഴിക്കാം 

NB :ഒരു സമയത്ത് ഓരോന്നുവീതം മാത്രം വറുത്തു എടുക്കുക.

BREAD PUTTU

                                                 

                                       BREAD PUTTU

Puttu is a  south Indian dish.It is a traditional kerala break fast item.
It is a steamed food.we  make different types of puttu like rice puttu,wheat puttu,corn puttu,ragi puttu,semolina puttu etc.
Here I am introducing a new puttu which is made up of bread crumbs.My bread puttu is a wonderful combination of bread crumbs and coconut scrapes.It is very easy to prepare,very healthy and tasy too.All you need is a packet of bread,coconut scrapes and a puttu mould. If you don't have a mould you can use a coconut shell as well.For a change, I have also prepared chinese brad puttu also.That is bread puttu in chinese flavour.
please try this recipe and send me your precious feed back.


BREAD PUTTU(Veg item)

Bread Puttu(Traditional Style)

Ingredients

Bread slices-10(salted bread)
coconut scrapes-1/4 cup

method of cooking

Remove the edges of the bread.Crumble the bread in a mixer to fine particles.Then add 3 teaspoon coconut scrapes.mix again.Add one or two teaspoon of water if needed while mixing.Then fill the put mix in desired moulds and steam it for three minutes.Soft and tasty puttu is ready to serve.Serve with suitable side dishes.

Bread Puttu(chinese style)

Ingredients

Bread slices-10(crumbled in mixer)
carrot chopped-1/2 cup
onion chopped-1/2 cup
capsicum chopped-1 table spoon
celery chopped-2 teaspoon
spring onion chopped-1 table spoon
ginger chopped-1 teaspoon
garlic chopped-4 cloves
soya sauce-1 teaspoon
pepper powder-1/2 teaspoon
green chilly-1(thin slices)
sunflower oil-1 table spoon
salt to taste

Method of cooking

Pour oil in to a fryingpan.Saute the onion for two minutes.Then add the vegitables and saute for two minutes.Add celery and spring onion and saute for one more minute.Finally add soya sauce,pepper powder and salt.
Steam the put mix layerd with the sauted vegitables for 3 minutes.Serve it with raw or sauted vegitables

NB

We can make chinese dishes without the help of ajino moto.This is a healthy dish,very simple and delicious.Try it.

BROKEN WHEAT UPPUMA

                                    നുറുക്ക് ഗോതമ്പ് ഉപ്പുമാവ് 


വളരെ പെട്ടെന്ന് തയ്യാറാക്കാവുന്ന ഒരു വിഭവം ആണ് നുറുക്ക് ഗോതമ്പ് ഉപ്പുമാവ് .ഒരു നാലുമണി പലഹാരമായിട്ടോ ബ്രേക്ക്‌ ഫാസ്റ്റ് ഐറ്റം ആയിട്ടോ ഇത് ഉപയോഗിക്കാം .പെട്ടെന്ന് ദഹിക്കുന്ന നാച്ചുറൽ fibers ധാരാളം അടങ്ങിയിട്ടുള്ള ഒരു ഹെൽത്തി ഡിഷ്‌ ആണിത് .റവ ഉപ്പുമാവ് ഇഷ്ടം ഇല്ലാത്തവർക്കും ഇത് ഇഷ്ടം ആവും .ഉറപ്പ് .


നുറുക്ക് ഗോതമ്പ് -2 കപ്പ്‌
തേങ്ങ -ഒരു മുറി
ചുവന്നുള്ളി -10
ഇഞ്ചി -ഒരു ചെറിയ കഷണം
പച്ചമുളക് -3  or ആവശ്യത്തിനു
മഞ്ഞൾ പൊടി -കാൽ ടീസ്പൂൺ

ഉഴുന്ന് ,കടുക് ,ഉണക്കമുളക് -വറ പൊട്ടിക്കാൻ
എണ്ണ -ആവശ്യത്തിനു


ആദ്യം തന്നെ നുറുക്ക് ഗോതമ്പ് നന്നായി കഴുകി അഴുക്കു കളയുക .അതിനു ശേഷം നികക്കെ വെള്ളം ഒഴിച്ച് ഒന്ന് ഒന്നര മണിക്കൂർ കുതിർക്കുക .ശേഷം കുതിർന്ന ഗോതമ്പ് ഒരു പ്രഷർ കുക്കറിൽ നികക്കെ വെള്ളം ഒഴിച്ച്ഉപ്പും ചേർത്ത്  രണ്ടു വിസിൽ വരുന്നത് വരെ വേവിക്കുക.നന്നായി കുതിർന്നാൽ ഒരു വിസിൽ മതിയാവും .

ഒരു ചീനചട്ടി  അടുപ്പത് വെച്ച് എണ്ണ ഒഴിച്ച് ചൂടാവുമ്പോൾ കടുക് പൊട്ടിക്കുക .തുടർന്ന് ഒരു സ്പൂൺ ഉഴുന്ന് ചേർക്കുക .ഉഴുന്ന് മൂക്കാൻ തുടങ്ങുമ്പോൾ കറിവേപ്പില ഉണക്കമുളക് എന്നിവ ചേർക്കാം .ഇവ മൂക്കാൻ തുടങ്ങുമ്പോൾ ഉള്ളി ഇഞ്ചി എന്നിവ അരിഞ്ഞത് ചേർത്ത് മൂപ്പിക്കുക .ഇതിലേക്ക് കാൽ സ്പൂൺ മഞ്ഞൾ പൊടി കൂടി ചേർത്ത് മൂപ്പിച്ചതിനു ശേഷം
വെന്ത നുറുക്ക് ഗോതമ്പ് ചേർത്ത് നന്നായി ഇളക്കി യോജിപ്പിച്ചശേഷം കുറച്ചുസമയം തട്ടി പൊത്തി മൂടി വെക്കുക.മൂന്ന് മിനിറ്റ് വളരെ കുറഞ്ഞ തീയിൽ മൂടിവെച്ചു വേവിച്ച ശേഷം തുറന്നെടുത്തു വിളമ്പാം .

ഉണക്ക കപ്പ പുഴുക്ക്

                                  ഉണക്ക കപ്പ പുഴുക്ക് 

നമ്മുടെ നാടിൻറെ പഴയ രുചികളിലൊന്ന്  .നല്ല പച്ച വെളിച്ചെണ്ണയും ഫ്രഷ്‌ കറിവേപ്പിലയും ചേർത്ത് ഇറക്കിയ ചൂട് കപ്പ പുഴുക്കും നാടൻ മട്ടയരി ഇട്ടു വേവിച്ച  കഞ്ഞിയും കൂട്ടി, പുറത്ത് പെയ്യുന്ന മഴയും നോക്കിയിരുന്നു കഴിക്കണം .പപ്പടം ചുട്ടത് കൂടി ഉണ്ടെങ്കിൽ ഭേഷ് ആയി .ഒന്ന് അര കൈ നോക്കരുതോ ?



ഉണക്ക കപ്പ -1/ 2  kg
വൻപയർ -അര   കപ്പ്‌
തേങ്ങ -ഒരു മുറി
ചുവന്നുള്ളി -5
പച്ചമുളക് -4
ചെറിയ ജീരകം -അര ടീസ്പൂൺ
വെളുത്തുള്ളി-3
മഞ്ഞൾ പൊടി -അര ടീസ്പൂൺ
ഉപ്പ്
വെളിച്ചെണ്ണ
കറിവേപ്പില


ഉണക്ക കപ്പ നികക്കെ വെള്ളമൊഴിച്ച് രാത്രി മുഴുവൻ കുതിരാനിടുക .
വൻപയർ വെള്ളമൊഴിച്ച്  മൂന്നു  മണിക്കൂർ കുതിർക്കുക .
പിറ്റേന്ന് കപ്പ മൃദുവായി കഴിഞ്ഞു ചെറുതായി മുറിക്കുക .

തേങ്ങ വെളുത്തുള്ളി ,പച്ചമുളക് ,ജീരകം,ചുവന്നുള്ളി ,മഞ്ഞൾ പൊടി എന്നിവ ചേർത്ത് ചെറുതായി ചതച്ചു എടുക്കുക.

ഒരു പ്രഷർ കുക്കറിൽ കപ്പ കഷണങ്ങൾ ഇട്ടു നികക്കെ വെള്ളമൊഴിച്ച് ഉപ്പും ഒരുനുള്ളു മഞ്ഞള്പ്പൊടിയും ചേർത്ത് രണ്ടോ മൂന്നോ വിസിൽ വരുന്നത് വരെ വേവിക്കുക .
പ്രഷർ കുക്കർ തുറന്നു വൻപയറും കൂടി ചേർത്ത് ഒന്നുകൂടി വേവിക്കുക .
ഒരു വിസിൽ കൂടി വന്നാൽ മതിയാവും .ശേഷം കുക്കർ തുറന്ന് ചതച്ച തേങ്ങാ  കൂടി ചേർത്ത് അരപ്പിൻറെ പച്ചമണം മാറുന്നതുവരെ ഒന്നുകൂടി വേവിക്കുക.അവസാനം കുറച്ചു വെളിച്ചെണ്ണയും കറിവേപ്പിലയും ചേർത്ത്
പുഴുക്ക് അടുപ്പിൽ നിന്ന് ഇറക്കുക .

MUTTON STEW

                                                      MUTTON STEW


മട്ടൺ  കഷണങ്ങളാക്കി മുറിച്ചുത് -1 kg
നാരങ്ങ -1 / 2
സവോള -4
പച്ചമുളക് -12  to 15
ഇഞ്ചി -ഒന്നര ഇഞ്ച്‌
ഗ്രാമ്പു -10
ഏലക്ക -6
കറുവപ്പട്ട -1 ഇഞ്ച്‌ ചെറുതായി നുറുക്കിയത്
കുരുമുളക് -2 ടീസ്പൂൺ
തക്കോലം -1
വെളുത്തുള്ളി -10 ചുള
നെയ്യ് -1 ടീസ്പൂൺ
വെളിച്ചെണ്ണ -4 ടേബിൾ സ്പൂൺ
അണ്ടിപരിപ്പ് -6
തേങ്ങ വലുത് -ഒരു മുറി
കാരറ്റ് -2
ഉരുളക്കിഴങ്ങ്  ചെറുത്‌ -2
വിന്നാഗിരി -1 ടീസ്പൂൺ
മൈദ -2 ടീസ്പൂൺ
ഉപ്പു

• മട്ടൻ കഷണങ്ങൾ വെള്ളത്തിൽ നന്നായി കഴുകി ഊറ്റി എടുത്തതിനു ശേഷം ഒരുമുറി നാരങ്ങയുടെ നീര്ചേർത്ത് ഒന്നുകൂടി കഴുകുക .
• ഒരു മുറി തേങ്ങയിൽ നിന്ന് ഒരു കപ്പ്‌ ഒന്നാം പാലും, രണ്ടു കപ്പ്‌ രണ്ടാം പാലും പിഴിഞ്ഞ് എടുക്കുക 
• കാരറ്റ്, ഉരുളക്കിഴങ്ങ്  തൊലി കളഞ്ഞു അഞ്ചു രൂപാ തുട്ടിന്റെ ഘനത്തിൽ അരിയുക .വലിയ ഉരുളക്കിഴങ്ങ് ആണെങ്കിൽ രണ്ടായി മുറിച്ചതിനു ശേഷം അരിയുക .
• ഒരു പ്രഷർ കുക്കെറിൽ ആദ്യം ഒരു ടീസ്പൂൺ നെയ്‌ ഒഴിച്ചതിനു ശേഷം ബാക്കി വെളിച്ചെണ്ണ കൂടി ഒഴിക്കുക . നെയ്‌ ചൂടാവുമ്പോൾ ഗ്രാമ്പു ,കറുവാപട്ട ,ഏലക്ക ,തക്കോലം ,പത്തു കുരുമുളക് എന്നിവയിട്ട് ചൂടായി മസാല മൂത്ത മണം വരുമ്പോൾ സവോള അരിഞ്ഞത് പച്ചമുളക് പിളർന്നത് ,ഇഞ്ചി കനം കുറച്ചു അരിഞ്ഞത് എന്നിവചേർത്ത് വഴറ്റുക.സവോളയുടെ നിറം മാറരുത് ഇതിലേക്ക് കഴുകി വെച്ചിരിക്കുന്ന ഇറച്ചിയും ,ഉപ്പും വിന്നാഗിരിയും ചേർത്ത് രണ്ടു മിനിറ്റ് വഴറ്റുക.തുടർന്ന് രണ്ടു കപ്പ്‌ വെള്ളം കൂടി ചേർത്ത് cooker അടച്ചു weight ഇട്ടു whistle വരുന്നത് വരെ കൂടിയ തീയിലും തുടർന്ന് ഏകദേശം 20 മിനിറ്റ് കുറഞ്ഞ തീയിലും വേവിക്കുക.തുടർന്ന് അരിഞ്ഞു വെച്ചിരിക്കുന്ന കാരറ്റ് ,ഉരുളക്കിഴങ്ങ് എന്നിവ ചേർത്ത് ഒരു വിസിൽ വരുന്നത് വരെ  ഒന്നുകൂടി വേവിക്കുക .
• വെളുത്തുള്ളി ബാക്കി കുരുമുളക് കൂടി ചേർത്ത് ചതക്കുക .
• ഒരു ചട്ടി അടുപ്പത്ത് വെച്ച് ചൂടാവുമ്പോൾ ഒരു ടീസ്പൂൺ എണ്ണ ഒഴിക്കുക .എണ്ണ ചൂടാവുമ്പോൾ ചതച്ചു വെച്ചിരിക്കുന്ന വെളുത്തുള്ളിയും കുരുമുളകും ഇട്ടു മൂപ്പിക്കുക .അതിലേക്ക് 2 ടീസ്പൂൺ മൈദ ചേർത്ത് മൂപ്പിക്കുക .തുടർന്ന് അതിലേക്കു രണ്ടാം പാൽ ഒഴിച്ച് കട്ടയില്ലാതെ കലക്കി തിളപ്പിച്ച്‌ ,വേവിച്ച ഇറചിയിലേക്ക് ഒഴിക്കുക.
• ചാർ തടിക്കാൻ തുടങ്ങുമ്പോൾ ഒന്നാം പാൽ ചേർത്ത് ഒന്നുകൂടി തിളപ്പിച്ച്‌ വാങ്ങാം പോരാത്ത ഉപ്പും കുരുമുളക് പൊടിയും അവസാനം ചേർക്കുക .
•  അണ്ടിപ്പരിപ്പ് രണ്ടായി പിളർന്നു എണ്ണയിൽ മൂപ്പിച്ചു ചേർക്കുക .

NB .stew ഒരിക്കലും ഒരുപാട് കുറുകി പോവരുത് .സാമ്പാർ ന്റെ പാകത്തിൽ  അയവുണ്ടാവണം
ഒരുപാടു ഇളക്കി കാരറ്റ് ,ഉരുളക്കിഴങ്ങ് എന്നിവ പൊടിയരുത് .

സ്റ്റെപ് 1 

step 2

step 3

 step 4

step 5

step 6

step 7 

step 8

step 9

 step 10

step 11

step 12 

step 13(Add thick coconut milk)

•