AMERICAN CHOP SUIE

അമേരിക്കൻ ചോപ്സൂയി 

ഇതാ ഒരു പുതിയ നൂഡിൽ വിഭവം .

കുറച്ചു കറുമുറെ കഴിക്കാനും കുറച്ചു സൂപ്പ് പോലെ കുടിക്കാനും ഉള്ള ഒരു ഐറ്റം .
ധാരാളം ഫ്രഷ് വെജിറ്റബിൾസ് ,ചിക്കൻ ,മുട്ട എല്ലാം എല്ലാം ഇതിലുണ്ട് .
നോമ്പു തുറക്കാൻ ഇതുകൂടി ഒന്നു പരീക്ഷിച്ചു കൂടെ ?

പ്ലെയിൻ നൂഡിൽസ് -200 g

ചിക്കൻ ഉപ്പും കുരുമുളകും ചേർത്തു വേവിച്ചത് -200 g (എല്ലില്ലാതെ )

സവാള -2
ക്യാപ്‌സിക്കം -ചുവപ്പു ,പച്ച ,മഞ്ഞ എല്ലാം കൂടി ഒരു കപ്പ്
വെളുത്തുള്ളി -5 അല്ലി
ഇഞ്ചി ഒരിഞ്ചു -നീളത്തിൽ അരിഞ്ഞത്
പച്ചമുളക് -3
സെലറി അരിഞ്ഞത് -1 ടേബിള് സ്പൂൺ
ക്യാരറ്റ് -1 ചെറുത്
സൺഫ്ലവർ ഓയിൽ -വറുക്കാൻ ആവശ്യത്തിന്
ചിക്കൻ വെന്ത വെള്ളം -അര കപ്പ്
കോൺ ഫ്ലവർ -1 ടീസ്പൂൺ
ടൊമാറ്റോ സോസ് -2 ടേബിൾ സ്പൂൺ
സോയാസോസ് -2 ടീസ്പൂൺ

ക്യാരറ്റ് വട്ടത്തിൽ അരിയുക
സവോള ,കാപ്സികം എന്നിവ ചതുരത്തിൽ അരിയുക
ഇഞ്ചി ,വെളുത്തുള്ളി ,പച്ചമുളക് എന്നിവ നീളത്തിൽ അരിയുക

ഒരു ചരുവത്തിൽ വെള്ളം തിളപ്പിച്ചു അതിലേക്കു ഒരു സ്പൂൺ എണ്ണ ഒഴിക്കുക .പ്‌ളെയിൻ നൂഡിൽസ് അതിലേക്കു ചേർത്തു ആവശ്യത്തിന് ഉപ്പും ചേർത്തു വേവിച്ചു വെള്ളം ഊറ്റുക .പൂർണമായും വെള്ളം പോയി കഴിഞ്ഞു അതിൽ കുറച്ചു കോൺഫ്ലോർ ചേർത്തു കുടഞ്ഞു യോജിപ്പിക്കുക .
ഒരു നോൺ സ്റ്റിക് പാനിൽ ആവശ്യത്തിന് എണ്ണ ഒഴിച്ചു തിളക്കുമ്പോൾ വെന്ത നൂഡിൽസ് അല്പാല്പം ആയി ഇട്ടു വറുത്തു കോരുക .

മറ്റൊരു പാനിൽ 4 ടേബിൾ സ്പൂൺ എണ്ണ ഒഴിച്ചു ചൂടാവുമ്പോൾ സെലറി അരിഞ്ഞത് ചേർത്തു വഴറ്റുക .തുടർന്നു വെളുത്തുള്ളി ഇഞ്ചി പച്ചമുളക് എന്നിവ യഥാക്രമം വഴറ്റുക .ഇതിലേക്ക് സവാള ചതുരത്തിൽ അരിഞ്ഞത് ക്യാരറ്റ് അരിഞ്ഞത് ,ഉപ്പു എന്നിവ ചേർത്തു നിറം പോവാതെ വഴറ്റുക .തുടർന്നു ചിക്കൻ സ്ലൈസ് ചെയ്തത് ചേർത്തു വഴറ്റുക .സോസുകൾ ചേർക്കുക .ഒന്നി കൂടി മൊരിച്ച ശേഷം 1 ടീസ്പൂൺ കോൺ ഫ്ലവർ കലക്കി ചേർത്ത ചിക്കൻ സ്റ്റോക് ചേർക്കുക .ചാറു കുറുകുമ്പോൾ വാങ്ങി വെക്കുക .

അല്പം കുഴിവുള്ള ഒരു പ്ലേറ്റിൽ ആദ്യം വറുത്ത നൂഡിൽസ് നിരത്തുക .മുകളിൽ ചിക്കൻ ,വെജിറ്റബിൾ ഗ്രേവി ഒഴിക്കുക .ഏറ്റവും മുകളിൽ ഒരു മുട്ട ബുൾസൈ ഉണ്ടാക്കി വെക്കുക .
ചൂടോടെ കഴിക്കുക .

KARIMEEN POLLICHATHU

കരിമീൻ പൊള്ളിച്ചത്

ആലപ്പുഴക്ക് അതിൻറെതായ ചില രുചിപെരുമകൾ ഉണ്ട് .കിഴക്കിൻറെ വെനീസ് എന്ന് അറിയപ്പെടുന്ന ഞങ്ങളുടെ ആലപ്പുഴ ഇനിയെങ്കിലും കാണാത്ത ആരെങ്കിലും ഉണ്ടെങ്കിൽ ഇനി താമസിക്കരുത്‌ .ഞങ്ങളുടെ വേമ്പനാട്ടു കായലിലൂടെ ഒരു കെട്ടുവള്ളത്തിൽ ഒരു യാത്ര ഉടൻ പ്ലാൻ ചെയ്തോളു .ഒരിക്കലും മറക്കാനാവാത്ത ഒരു അനുഭവം ആയിരിക്കും അത് .ഏതു കൊടിയ വേനലിലും തണുത്ത കുളിർകാറ്റു വീശുന്ന വേമ്പനാട്ടു കായലിൻറെ വിരിമാറിലൂടെ നീർകാക്കയുടെയും നെയ്യാമ്പൽ പൂക്കളുടെയും നടുവിലൂടെ ഒരു യാത്ര .

മാത്രമോ കുട്ടനാടാൻ വഞ്ചി വിഭവങ്ങൾ ആസ്വദിക്കാൻ ഒരു അവസരവും കൂടി .ഞങ്ങളുടെ കായൽ,കുയിൽ ,കരിമീൻ എല്ലാം അടുത്തറിയൂ ......എല്ലാവരേയും ഈ ഭൂമിയിലെ സ്വർഗത്തിലേക്ക് സ്വാഗതം ചെയ്യുന്നു .

ആലപ്പുഴയുടെ സ്വന്തം വിഭവമാണ് വാഴയിലയിൽ പൊള്ളിച്ച കരിമീൻ 

വാഴയില ഇല്ലാത്തവർക്ക് nonstick പാനിലും ചെയ്യാം .

കരിമീൻ -2 

സവാള (ചെറുത്‌) -2 

ടൊമാറ്റോ (ചെറുത്‌)-2 

പച്ചമുളക് -5 

ഇഞ്ചി -1 ഇഞ്ച്‌ 

കറിവേപ്പില 

മഞ്ഞൾ പൊടി -കാൽ ടീസ്പൂൺ 

പിരിയൻ മുളക് പൊടി -4 ടീസ്പൂൺ 

കുടം പുളി -ഒരു ചെറിയ കഷണം 

തേങ്ങാപ്പാൽ -ഒരു കപ്പ്‌ 

ഉപ്പു 

വെളിച്ചെണ്ണ -4 ടേബിൾ സ്പൂൺ

കരിമീൻ വെട്ടി കഴുകി വൃത്തിയാക്കി എടുക്കുക.രണ്ടു പുറവും കത്തികൊണ്ട് അടുപ്പിച്ചു വരയുക .

രണ്ടു ടീസ്പൂൺ മുളകുപൊടി ,കാൽ ടീസ്പൂൺ മഞ്ഞൾ പൊടി ,ഉപ്പ് എന്നിവ അല്പം വെള്ളം ചേർത്ത് പേസ്റ്റ് ആക്കി മീനിൻറെ അകത്തും പുറത്തും തേച്ചു പിടിപ്പിക്കുക .ഒരു നോൻസ്ടിക് പാനിൽ രണ്ടു ടേബിൾ സ്പൂൺ എണ്ണ ഒഴിച്ച് ചൂടാവുമ്പോൾ അരച്ച് പുരട്ടിയ കരിമീൻ രണ്ടുപുറവും ചെറുതായി ഒന്ന് വാട്ടി എടുക്കുക .ഒരു കാരണവശാലും മൊരിഞ്ഞു പോകരുത് .

കരിമീൻ കോരി എടുത്തതിന് ശേഷം പാനിലേക്ക് ബാക്കി എണ്ണ കൂടി ഒഴിക്കുക .ഇതിൽ രണ്ടു സവാള അരിഞ്ഞതും അഞ്ചു പച്ചമുളക് പിളർന്നതും ഇഞ്ചി അരിഞ്ഞതും ചേർത്ത് നന്നായി വഴറ്റുക .വഴന്ന് തുടങ്ങുമ്പോൾ ടൊമാറ്റോ അരിഞ്ഞത് ചേർത്ത് വഴറ്റുക .ടൊമാറ്റോ നന്നായി വാടി കഴിയുമ്പോൾ ബാക്കി മുളകുപൊടി ,അല്പം ഉപ്പ് എന്നിവചേർത്ത് വീണ്ടും വഴറ്റുക .മീനിൽ പുരട്ടിയ അരപ്പ് ബാക്കി ഉണ്ടെങ്കിൽ അതുകൂടി ചേർത്ത് രണ്ടു മിനിറ്റ് കുറഞ്ഞ തീയിൽ വഴറ്റുക .ഇതിലേക്ക് ഒരു കപ്പ്‌ തേങ്ങാപാൽ ചേർക്കുക .പോരാത്ത ഉപ്പും കുടമ്പുളിയും ചേർത്ത് ചാർ തിളക്കാൻ തുടങ്ങുമ്പോൾ വറുത്തു വെച്ചിരിക്കുന്ന മീൻ എടുത്തു ഇറക്കി വെക്കുക .സ്പൂൺ ഉപയോഗിച്ച് ചാറ് കോരി മീനിൻറെ മുകളിൽ ഒഴിച്ച് കൊടുക്കുക .കുറച്ചു സമയത്തിന് ശേഷം മീൻ മറിച്ചിടുക .കുറഞ്ഞ തീയിൽ ചാറ് വറ്റിച്ചു എണ്ണ തെളിയുമ്പോൾ തീ അണയ്ക്കാം .

സവാള അരിഞ്ഞത് ,റ്റൊമറ്റൊ അരിഞ്ഞതു ,ഒരുമുറി നാരങ്ങ എന്നിവ വെച്ച് അലങ്കരിച്ചു വിളമ്പുക .

FISH CURRY (KOTTAYAM STYLE)

 KOTTAYAM STYLE FISH CURRY

 നല്ല തുമ്പപ്പൂ നിറമുള്ള ലേസ് വെച്ച പാലപ്പവും നല്ല ചുക ചുകാന്നു ചുവന്ന കോട്ടയം 

സ്റ്റൈൽ മീൻ കറിയും ആയാലോ ?നല്ല ഒന്നാംതരം combination ആണ് .മാത്രമല്ല ആരോഗ്യകരവുമാണ് .
കോട്ടയംകാർ മുളകുപൊടി ഇട്ടു മീൻകറി വെക്കും .ആലപ്പുഴക്കാർ തേങ്ങാ അരച്ച് മീൻകറി വെക്കും .
എല്ലാം ഒന്നിനൊന്നു മികച്ചത് .കോട്ടയം മീൻകറി, കാണാൻ കുറച്ചുകൂടി മൊഞ്ചത്തിയാണ് .
പാലപ്പം ഉണ്ടാക്കാൻ എല്ലാവർക്കും അറിയാവുന്ന സ്ഥിതിക്ക് കോട്ടയം മീൻകറിയുടെ recipe പറയാം .

കോട്ടയം മീൻകറി

നല്ല ദശകട്ടിയുള്ള മീൻ -1 കിലോ
ചുവന്നുള്ളി -അര കപ്പ്‌ ( അളവ് കൂടിയാൽ നല്ലത്)
വെളുത്തുള്ളി -ഒരു കുടം
കുടം പുളി -2 വലിയ കഷണം
പച്ചമുളക് -4
ഇഞ്ചി -1 ഇഞ്ച്‌ (നീളത്തിൽ അരിഞ്ഞു വെക്കുക )
തേങ്ങാപാൽ -3 കപ്പ്‌
പിരിയൻ മുളക് പൊടി -4 ടേബിൾ സ്പൂൺ
മല്ലിപൊടി -1 ടേബിൾ സ്പൂൺ
മഞ്ഞൾ പൊടി -അര ടീസ്പൂൺ
എണ്ണ -4 ടേബിൾ സ്പൂൺ
ഉലുവ -കാൽ ടീസ്പൂൺ
കടുക് -അര ടീസ്പൂൺ
കറിവേപ്പില
ഉപ്പ്

ചുവന്നുള്ളി നീളത്തിൽ അരിഞ്ഞു എടുക്കുക .
വെളുത്തുള്ളി തൊലി കളഞ്ഞു വൃത്തിയാക്കുക .അരിയേണ്ടത് ഇല്ല .
പച്ചമുളക് പിളർന്നു വെക്കുക.
പൊടികളെല്ലാം അല്പം വെള്ളത്തിൽ കുഴച്ചു വെക്കുക .
കുടംപുളി കഴുകി കാൽ കപ്പ്‌ വെള്ളത്തിൽ ഇട്ടു വെക്കുക .

ഒരു ചീനച്ചട്ടിയിൽ എണ്ണ ചൂടാവുമ്പോൾ ആദ്യം കടുക് പൊട്ടിക്കുക തുടർന്നു ഉലുവ പൊട്ടിക്കുക .അതിന് ശേഷം വെളുത്തുള്ളി വഴറ്റുക ശേഷം അരിഞ്ഞു വെച്ചിരിക്കുന്ന ചുവന്നുള്ളി ,പച്ചമുളക് ,ഇഞ്ചി ,കറിവേപ്പില എന്നിവ വഴറ്റുക .നന്നായി വഴന്നു എണ്ണ തെളിയാൻ തുടങ്ങുമ്പോൾ വെള്ളത്തിൽ കുതിർത്തു വെച്ചിരിക്കുന്ന
പൊടികൾ ഇട്ടു വഴറ്റി മൂപ്പിക്കുക അതിനു ശേഷം തേങ്ങാപാൽ ചേർത്ത് പാകത്തിന് ഉപ്പും കുടംപുളി നാലായി കീറിയതും ചേർത്ത് നന്നായി തിളക്കുമ്പോൾ,തീകുറച്ച് ,കഴുകി പിഴിഞ്ഞ് വെള്ളം കളഞ്ഞ മീൻ കഷണങ്ങൾ ചേർത്ത് ചട്ടി മൂടിവെച്ചു എണ്ണ തെളിയുന്നത് വരെ ചാറ് വറ്റിക്കുക.
പാകം ചെയ്തു കഴിഞ്ഞു കുറച്ചു സമയം കഴിഞ്ഞു ഉപയോഗിക്കുന്നതായിരിക്കും നല്ലത് .മീൻ കഷണങ്ങളിൽ ഉപ്പും പുളിയും നന്നായി പിടിക്കാനാണ് ഇങ്ങനെ ചെയ്യുന്നത്

CHICKEN ROASTED WITH COCONUT MILK IN BANANA LEAF

കോഴിനിറച്ചു  വാഴയിലയിൽ പൊള്ളിച്ചത്‌


കോഴി മുഴുവനായി വൃത്തിയാക്കിയത് -1

മാരിനേറ്റ്  ചെയ്യാൻ ആവശ്യമുള്ള സാധനങ്ങൾ

പിരിയൻ മുളകുപൊടി -1 ടീസ്പൂൺ
മഞ്ഞൾ പൊടി -അര ടീസ്പൂൺ
കുരുമുളക് പൊടി -അര ടീസ്പൂൺ
ഗരം മസാല പൊടി -അര ടീസ്പൂൺ
ഇഞ്ചി വെളുത്തുള്ളി അരച്ചത് -1 ടീസ്പൂൺ
ഉപ്പ് -ആവശ്യത്തിന്

ഒരു ഫോർക്ക് ഉപയോഗിച്ചു,വൃത്തിയാക്കി വെച്ചിരിക്കുന്ന കോഴിയുടെ മുകൾ വശം മുഴുവൻ അടുപ്പിച്ചു അടുപ്പിച്ചു കുത്തുക .മാരിനേറ്റ് ചെയ്യാനുള്ള മസാലകളെല്ലാം കൂടി അല്പം വെള്ളം ചേർത്തു കുഴച്ചു കോഴിയുടെ അകത്തും പുറത്തും നന്നായി തേച്ചു പിടിപ്പിക്കുക .ഇങ്ങനെ മസാല പുരട്ടിയ കോഴി കുറഞ്ഞത് ഒരുമണിക്കൂർ നേരത്തേക്ക് അനക്കാതെ മാറ്റിവെക്കുക .ഫ്രിഡ്ജിൽ വെക്കുന്നത് കൂടുതൽ നന്നായിരിക്കും.

മറ്റു ചേരുവകകൾ

വെളിച്ചെണ്ണ -കാൽ കപ്പ്
ചുവന്നുള്ളി നീളത്തിൽ അരിഞ്ഞത് -1 കപ്പ്
തേങ്ങാപ്പാൽ -2 കപ്പ്
റ്റൊമാറ്റോ -2
ഇഞ്ചി ചെറുതായി അരിഞ്ഞത് -1 ടേബിൾ സ്പൂൺ
പച്ചമുളക് -4
കറിവേപ്പില -2 കതിർപ്പ്
പിരിയൻ മുളകുപൊടി -ഒന്നര ടേബിൾ സ്പൂൺ
ഗരം മസാല -1 ടീസ്പൂൺ
മഞ്ഞൾ പൊടി -കാൽ ടീസ്പൂൺ
മുട്ട പുഴുങ്ങിയത് -3

തയ്യാറാക്കുന്ന വിധം

ഒരു നോൺസ്റ്റിക് പാനിൽ കാൽ കപ്പ് എണ്ണ ഒഴിച്ചു ചൂടാവുമ്പോൾ ,അരപ്പ്പുരട്ടി വെച്ചിരിക്കുന്ന കോഴി ഇട്ടു തിരിച്ചും മറിച്ചും ഇട്ടു ചെറുതായി വാട്ടി എടുക്കുക .കോഴി എണ്ണയിൽ നിന്നു മാറ്റിയ ശേഷം ,അതേ എണ്ണയിൽ തന്നെ ഉള്ളി ,ഇഞ്ചി ,പച്ചമുളക് പിളർന്നത് ,കറിവേപ്പില എന്നിവ വഴറ്റുക ,ഉള്ളി നിറം മാറാൻ തുടങ്ങുമ്പോൾ ഉപ്പ് ചേർക്കുക  , തുടർന്നു റ്റൊമാറ്റോ ചെറുതായി അരിഞ്ഞത് ചേർത്തു വഴറ്റുക .റ്റൊമാറ്റോ നന്നായി വെന്ത് കുഴയുമ്പോൾ പിരിയൻ മുളകുപൊടി ,ഗരം മസാല പൊടി ,മഞ്ഞൾ പൊടി എന്നിവ അല്പം വെള്ളത്തിൽ കുഴച്ചു ചേർക്കുക .
രണ്ടു മിനിറ്റു കൂടി വഴറ്റിയ ശേഷം  ഇതിൽ നിന്നു ഒരുസ്പൂൺ സവോളക്കൂട്ടു  കോരിയെടുത്തു രണ്ടു മുട്ടപുഴുങ്ങിയതും കൂടി കോഴിയുടെ ഉള്ളിലേക്ക് കയറ്റി വെക്കുക .ബാക്കി സവോള വഴറ്റിയതിലേക്ക് 2 കപ്പ് തേങ്ങാപാൽ ചേർക്കുക.ഉപ്പ് വേണമെങ്കിൽ വീണ്ടും ചേർത്തതിന് ശേഷം തീ അണക്കുക .


ഒരു കുഴിവുള്ള ,ചുവട് കട്ടിയുള്ള ചീനച്ചട്ടിയിൽ വാട്ടിയ വാഴയില നിരത്തുക .ഒന്നിന് മുകളിൽ മറ്റൊന്നായി  2 ഇല  വെക്കുന്നത് നന്നായിരിക്കും .
ഇതിലേക്ക് ചെറുതായി വറുത്തു വെച്ചിരിക്കുന്ന കോഴി ആദ്യം തന്നെ എടുത്തു വെക്കുക .ഇതിലേക്ക് തയ്യാറാക്കി വെച്ചിരിക്കുന്ന സവോള തേങ്ങാപ്പാൽ മിശ്രിതം ഒഴിക്കുക .ചെറിയ തീയിൽ മൂടി വെച്ചു വേവിക്കുക .
നന്നായി വെന്ത് കഴിഞ്ഞാൽ ,മൂടി തുറന്നുവെച്ചു കുറഞ്ഞ തീയിൽ ചാറ് വറ്റിക്കുക .ചാറ് പറ്റി ,എണ്ണ തെളിയുമ്പോൾ തീ അണക്കാം .

പത്തിരി ,ചപ്പാത്തി ,നെയ്‌ച്ചോറ് എന്നിവയുടെ കൂടെ കഴിക്കാൻ വളരെ നല്ലതാണ് .ഇതിൽ കൂടുതലും തേങ്ങാപ്പാൽ വറ്റി ഉണ്ടാവുന്ന എണ്ണയാണ് ചാറിൽ ഉള്ളത് അതുകൊണ്ടുതന്നെ വളരെ രുചികരവും ആരോഗ്യകരവുമായ ഒരു വിഭവമാണ് .എല്ലാവരും ഉണ്ടാക്കി നോക്കുക .


പുഴുങ്ങിയ മുട്ട ,തക്കാളി ,വെള്ളരി എന്നിവ ഉപ്പുപയോഗിച്ചു അലങ്കരിക്കുക


മല്ലിപ്പൊടി ഉപയോഗിക്കാത്തതുകൊണ്ടു പതിവ് രുചികളിൽ നിന്നു വേറിട്ട ഒരു രുചിയാണ് ഇത്തരത്തിൽ ചെയ്യുമ്പോൾ ലഭിക്കുന്നത് .

STUFFED CHICKEN FRY (MALABAR DISH)

മലബാർ  കോഴി നിറച്ചത്

കോഴി നിറച്ചു ഡ്രൈ ആയിട്ട് വറുക്കുന്ന രീതിയാണ്‌ ഇവിടെ കാണിച്ചിരിക്കുന്നത് .അവശ്യക്കാര്ക്ക് വേണമെങ്കിൽ ഗ്രേവി ടൈപ്പ് ആയും ചെയ്യാവുന്നതാണ്

കോഴി മുഴുവനായി വൃത്തിയാക്കിയത് -1 കിലോ
മുളക് പൊടി -2  ടേബിൾ സ്പൂൺ
മഞ്ഞൾ പൊടി -1 ടീസ്പൂൺ
കുരുമുളക് പൊടി -1 ടീസ്പൂൺ
ഉപ്പ്

ആദ്യം കോഴിയുടെ മുകളിൽ മുഴുവൻ ഫോർക്ക് കൊണ്ട് കുത്തി ചെറിയ സുഷിരങ്ങൾ ഉണ്ടാക്കുക .പൊടികളെല്ലാം അല്പം വെള്ളത്തിൽ കുഴച്ചു കോഴിയുടെ അകത്തും പുറത്തും ഒരുപോലെ തേച്ചു പിടിപ്പിക്കുക .ഇത് ഒരു മണിക്കൂർ നേരത്തേക്ക് അനങ്ങാതെ മൂടി വെച്ചേക്കുക .

സ്റ്റഫ്ഫിങ്ങ് ചെയ്യുന്നതിന്

മുട്ട പുഴുങ്ങി തോട് കളഞ്ഞത് -3
സവാള -3
ഇഞ്ചി വെളുത്തുള്ളി പേസ്റ്റ് -2 ടേബിൾ സ്പൂൺ
പച്ചമുളക് -3 എണ്ണം (പിളർന്നത്  )
ടൊമാറ്റോ -1
മുളക് പൊടി -1 ടേബിൾ സ്പൂൺ
മല്ലിപൊടി -2 ടേബിൾ സ്പൂൺ
മഞ്ഞൾ പൊടി - അര ടീസ്പൂൺ
ഗരം മസാല പൊടി -ഒരു ടീസ്പൂൺ
കുരുമുളക് പൊടി -അര ടീസ്പൂൺ
ഉപ്പു -ആവശ്യത്തിന്
എണ്ണ -വഴറ്റാനും വറുക്കാനും ആവശ്യത്തിന്


ഒരു പാനിൽ 3 ടേബിൾ സ്പൂൺ എണ്ണ ഒഴിച്ച് ചൂടാവുമ്പോൾ ,സവാള ,പച്ചമുളക് ,ഇഞ്ചി വെളുത്തുള്ളി പേസ്റ്റ് എന്നിവ യഥാക്രമം വഴറ്റുക .തുടർന്ന് ടൊമാറ്റോ അരിഞ്ഞത് ചേർത്ത് വഴറ്റുക തുടർന്ന് പൊടികളും ഉപ്പും ചേർത്ത് വഴറ്റുക .ഇതിലേക്ക് കാൽ കപ്പ്‌ വെള്ളം ചേർത്ത് തിളപ്പിച്ച്‌ വറ്റിക്കുക .പുഴുങ്ങിയ മുട്ട കൂടി ചേർത്ത് ഒന്നുകൂടി ഇളക്കി വാങ്ങി വെക്കുക.

CHILLY CHICKEN PASTA

             

                                    ചില്ലി ചിക്കൻ പാസ്ത



പാസ്ത-(അല്പം എണ്ണയും ഉപ്പും ചേർത്ത വെള്ളത്തിൽ
                    തിളപ്പിച്ച്‌ ഊറ്റിയത് )- 200 g
സവാള -2
പച്ച ,മഞ്ഞ ,ചുവപ്പ് നിറങ്ങളിലെ കാപ്സിക്കം -ഓരോ ചെറുത്‌
ഇഞ്ചി നീളത്തിൽ അരിഞ്ഞത്‌  -ഒരു ടീസ്പൂൺ
വെളുത്തുള്ളി നീളത്തിൽ അരിഞ്ഞത് - 1 ടീസ്പൂൺ
പച്ചമുളക് (ചരിച്ചു ചെറുതായി മുറിച്ചത് )-2
കാബേജ് ചതുരത്തിൽ മുറിച്ചത് -അര കപ്പ്‌
കാരറ്റ് വട്ടത്തിൽ മുറിച്ചത് - 2 ചെറുത്‌
ചിക്കൻ കഷണങ്ങൾ (ഉപ്പും കുരുമുളകും ഇട്ടു വേവിച്ചത്)-ഒരു കപ്പ്‌
സെലറി- ഒരു തണ്ട്  ചെറുതായി അരിഞ്ഞത്
സ്പ്രിംഗ് ഒനിയൻ -ഒരു പിടി (ചെറുതായി അരിഞ്ഞത്)
സൺഫ്ലവർ ഓയിൽ -4 ടേബിൾ സ്പൂൺ
ടൊമാറ്റോ സോസ് -3 ടേബിൾ സ്പൂൺ
സോയാബീൻ സോസ് - 1 ടേബിൾ സ്പൂൺ
കുരുമുളക് പൊടി - 1 ടീസ്പൂൺ
ചിക്കൻ സ്റ്റോക്ക്‌  -അര കപ്പ്‌


ഒരു നോൺസ്റ്റിക് പാൻ അടുപ്പത്ത് വെച്ച് ചൂടാവുമ്പോൾ എണ്ണ ഒഴിക്കുക .എണ്ണ ചൂടാവുമ്പോൾ അതിലേക്കു ഇഞ്ചി അരിഞ്ഞതും വെളുത്തുള്ളി അരിഞ്ഞതും ചേർത്ത് വഴറ്റുക .പിന്നീട് സെലറി അരിഞ്ഞത് ചേർത്ത്റ്വഴറ്റു ക .
അതിലേക്കു സവോള ചതുരത്തിൽ അരിഞ്ഞതും ഉപ്പും ചേർത്ത് വഴറ്റുക .
സവോള നിറം മാറുന്നതിനു മുൻപ് കാരറ്റ്  അരിഞ്ഞതും കാബേജ് അരിഞ്ഞതും ചേർക്കുക .നിറം മാറി തുടങ്ങുന്നതിനു മുൻപ് കാപ്സികം അരിഞ്ഞത് ചേർത്ത് വഴറ്റുക .തുടർന്ന് ചിക്കൻ ചേർത്ത് വഴറ്റുക .
ഇതിലേക്ക് കുരുമുളക് പൊടി ,ഉപ്പു ,ടൊമാറ്റോ സോസ് ,സോയ സോസ് എന്നിവ ചേർത്ത് വീണ്ടും വഴറ്റുക .ചിക്കൻ വെന്ത വെള്ളം ഉണ്ടെങ്കിൽ അതുകൂടി ചേർത്തതിനു ശേഷം വേവിച്ചു വെച്ചിരിക്കുന്ന പാസ്ത ചേർത്ത് നന്നായി ഇളക്കി യോജിപ്പിച്ച് എടുക്കുക .

MUTTA SIRKKA (EGG SIRKKS)

                                     EGG SIRKKA    

This is an Indian cuisine.Actually it is a traditional malabar Iftar dish.This is very easy to preapare and can be used as a main course just like chappathi,poori,pathiri etc.

Ingradients

Raw rice  - 2 cups

coconut scrapes- half a cup
egg - 2 nos
boiled rice-2 table spoon
baking soda- half teaspoon
salt to taste
oil-to fry
Method of cooking

• Soak the raw rice in water for four hours

• Grind the raw rice in a blender. Add water little by little while grinding then add eggs,coconut scrapes,boiled rice,baking soda and salt. Grind again to get a smooth consistency.The batter should not be too thick or too thin .You can add more water if needed to get the medium consistency.keep it aside for 15 to 20 minutes

• Heat oil in a deep bottomed wok.When the oil starts boiling,simmer the flame and pour a spoon full of batter to the oil.

• Press down the sirkka slightly with a laddle or pour the hot oil over the sirkka with a laddle so that it puff up well.

• Flip the sirkka and fry again till it get a golden colour.

Drain the oil and serve hot with any suitable non vegitarian side dish.

NB: Fry one sirkka at a time .other wise there is a chance to get soaked in oil.

                മുട്ട സിർക്ക 

പച്ചരി -2 കപ്പ്‌

തേങ്ങാ പീര -അര കപ്പ്‌

മുട്ട -2 

ചോറ് -2 ടേബിൾ സ്പൂൺ 

സോഡാപ്പൊടി -അര ടീസ്പൂൺ 

എണ്ണ -വറുക്കുന്നതിനു ആവശ്യമായത് 

ഉപ്പു 

പച്ചരി നാല് മണിക്കൂർ വെള്ളത്തിൽ കുതിർക്കുക .കുതിർത്ത പച്ചരി, തേങ്ങ ചോറ്,മുട്ട ,ഉപ്പു,സോടാപ്പൊടി എന്നിവ ചേർത്ത് അപ്പത്തിനു അരക്കുന്നതുപോലെ നന്നായി അരക്കുക .അരച്ച മാവ് പതിനഞ്ചു മിനിറ്റ് പൊങ്ങാൻ വെക്കുക .ഒരു കുഴിവുള്ള ചീനച്ചട്ടിയിൽ എണ്ണ ഒഴിച്ച് തിളക്കുമ്പോൾ ഓരോ സ്പൂൺ മാവു കോരി ഒഴിക്കുക.ഇത് പൂരി പോലെ കുമിളച്ചു പൊങ്ങി വരും .തിളച്ച എണ്ണ ഒരു സ്പൂൺ ഉപയോഗിച്ച് കോരിമുകളിൽ ഒഴിച്ച് കൊടുത്താൽ സിർക്ക പെട്ടെന്ന് കുമിളക്കും .സ്പൂൺ ഉപയോഗിച്ച് മറിച്ചിട്ട് ഒന്നുകൂടി മൊരിക്കുക .എല്ലായിടവും ഒരുപോലെ സ്വർണ്ണനിരമാവുമ്പോൾ കോരി എടുത്തു എണ്ണ വാലാൻ വെക്കുക .

ചൂടോടുകൂടെ കഴിക്കുക .ഇത് ബീഫ് ,ചിക്കൻ ,മട്ടൻ  എന്നീ 

കറികളുടെ കൂടെ കഴിക്കാം 

NB :ഒരു സമയത്ത് ഓരോന്നുവീതം മാത്രം വറുത്തു എടുക്കുക.

DUCK KHORMA (GREEN COLOUR)

                          താറാവ്  കുറുമ 

                                    (പച്ച നിറം)

താറാവ് ഇറച്ചി -1 കിലോ
സവോള -4 

ഇഞ്ചി -2 ഇഞ്ച്‌ 

വെളുത്തുള്ളി -10 ചുള 

ഏലക്ക -8

 ഗ്രാമ്പൂ -8 

കറുവാപ്പട്ട -2 ഇഞ്ച്‌ 

പെരുംജീരകം -2 ടീസ്പൂൺ 

കുരുമുളക് -1 ടീസ്പൂൺ 

കസ്കസ് - 2 ടേബിൾ സ്പൂൺ 

പച്ചമുളക് -25 

കുരുമുളക് പൊടി -1 ടീസ്പൂൺ 

മഞ്ഞൾ പൊടി - 1 ടീസ്പൂൺ 

മല്ലിപൊടി -2 ടേബിൾ സ്പൂൺ  

അണ്ടിപരിപ്പ് -50 ഗ്രാം 

കട്ടിതേങ്ങാപ്പാൽ -2 കപ്പ്‌ 

വിന്നാഗിരി-2 ടീസ്പൂൺ 

എണ്ണ -അര കപ്പ്‌ 

വെള്ളം -1 കപ്പ്‌ 

ഉരുളക്കിഴങ്ങ് അരിഞ്ഞത് -1 

ഉപ്പു -ആവശ്യത്തിന് 

അണ്ടിപ്പരിപ്പ് വെള്ളത്തിൽ കുതിർത്തു അരച്ച് എടുക്കുക .ഇത് തേങ്ങാപ്പാലിൽ കലക്കി വെക്കുക .

മസാലക്കൂട്ട് എല്ലാം കൂടി ചൂടാക്കി പൊടിക്കുക .സവോള ,ഇഞ്ചി അരിഞ്ഞത് ,പച്ചമുളക് ,കസ്കസ്  എന്നിവ എണ്ണയിൽ വഴറ്റുക .സവോള വഴന്നു തുടങ്ങുമ്പോൾ (നിറം മാറരുത് ),പൊടികൾ എല്ലാം ചേർത്ത് വീണ്ടും വഴറ്റി അരച്ച് എടുക്കുക .അരപ്പ് അളവ് വെള്ളത്തിൽ കലക്കി ഉപ്പും വിന്നഗിരിയും ഇറച്ചിയും ചേർത്ത് പ്രഷർ കുക്കറിൽ ഒരു വിസിൽ വരുന്നതുവരെ കൂടിയ തീയിലും തുടർന്ന് പത്തു മിനിറ്റ് കുറഞ്ഞ തീയിലും വേവിക്കുക .കുക്കർ തുറന്ന് അണ്ടിപ്പരിപ്പ് അരച്ച് ചേർത്ത തേങ്ങാപ്പാൽ ചേർത്ത് തിളപ്പിക്കുക.ചാർ തടിച്ചു എണ്ണ തെളിയുമ്പോൾ തീ അണക്കുക .ഉരുളക്കിഴങ്ങ് വട്ടത്തിൽ അരിഞ്ഞു വറുത്തെടുത്തത് വെച്ച് അലങ്കരിച്ചു വിളമ്പുക .

PRAWN OMLETTE

                               PRAWN OMLETTE

ചെമ്മീൻ  ഓംലറ്റ് 



വൃത്തിയാക്കിയ ചെമ്മീൻ _ 50g

 തേങ്ങചുരണ്ടിയത് _1 cup

 മുളക്പൊടി -1 teaspoon 

കുരുമുളക്പൊടി -1/2 tsp

ഇഞ്ചിഅരിഞ്ഞത് -1/2inch 

ചുവന്നുള്ളി -5

കറിവേപ്പില - ഒരുകതിര്‍പ്പ്

എണ്ണ -2 table 

ഉപ്പ് - ആവശ്യത്തിന് 


ചെമ്മീന്‍ ഒഴികെയുള്ള ചേരുവകളെല്ലാം കൂടി മിക്സിയിലിട്ട് ഒന്നു

 കറക്കി പൊടിക്കുക.തുടര്‍ന്ന് ചെമ്മീനുംചേർത്ത്  

അരക്കുക.ഒരുപാനില്‍ അളവ് എണ്ണഒഴിച്ച് അരച്ചമിശ്റിതം 

ചേർത്ത് ചിക്കി പൊരിച്ചെടുക്കുക .

ഓംലറ്റ് റോൾ 

മൂന്ന് മുട്ട,ഒരു പച്ചമുളക് മൂന്ന് ചുവന്നുള്ളി അരിഞ്ഞത് , ഒരുനുള്ള് 

കുരുമുളക് പൊടി,ഉപ്പ് എന്നിവ യോജിപ്പിച്ച് ഒരു പരന്ന 

പാനിൽ ഒഴിച്ച് ഓംലറ്റ് തയ്യാറാക്കുക.ഉറക്കാൻ  തുടങ്ങുമ്പോൾ  

നേരത്തേ തയ്യാറാക്കി വെച്ചിരിക്കുന്ന മുട്ടക്കൂട്ട് മുകളിൽ 

നിരത്തുക.ഓംലറ്റ് പകുതി ചുരുട്ടുക ബാക്കിമുട്ടഅടിച്ചത് കൂടി 

ഒഴിക്കുക.മുട്ടക്കൂട്ട്നിരത്തുക.ഇപ്രകാരം ഒരുവലിയ റോള്‍

തയ്യാറാക്കി ഘനത്തില്‍ അരിഞ്ഞെടുക്കുക. 

MUTTON STEW

                                                      MUTTON STEW


മട്ടൺ  കഷണങ്ങളാക്കി മുറിച്ചുത് -1 kg
നാരങ്ങ -1 / 2
സവോള -4
പച്ചമുളക് -12  to 15
ഇഞ്ചി -ഒന്നര ഇഞ്ച്‌
ഗ്രാമ്പു -10
ഏലക്ക -6
കറുവപ്പട്ട -1 ഇഞ്ച്‌ ചെറുതായി നുറുക്കിയത്
കുരുമുളക് -2 ടീസ്പൂൺ
തക്കോലം -1
വെളുത്തുള്ളി -10 ചുള
നെയ്യ് -1 ടീസ്പൂൺ
വെളിച്ചെണ്ണ -4 ടേബിൾ സ്പൂൺ
അണ്ടിപരിപ്പ് -6
തേങ്ങ വലുത് -ഒരു മുറി
കാരറ്റ് -2
ഉരുളക്കിഴങ്ങ്  ചെറുത്‌ -2
വിന്നാഗിരി -1 ടീസ്പൂൺ
മൈദ -2 ടീസ്പൂൺ
ഉപ്പു

• മട്ടൻ കഷണങ്ങൾ വെള്ളത്തിൽ നന്നായി കഴുകി ഊറ്റി എടുത്തതിനു ശേഷം ഒരുമുറി നാരങ്ങയുടെ നീര്ചേർത്ത് ഒന്നുകൂടി കഴുകുക .
• ഒരു മുറി തേങ്ങയിൽ നിന്ന് ഒരു കപ്പ്‌ ഒന്നാം പാലും, രണ്ടു കപ്പ്‌ രണ്ടാം പാലും പിഴിഞ്ഞ് എടുക്കുക 
• കാരറ്റ്, ഉരുളക്കിഴങ്ങ്  തൊലി കളഞ്ഞു അഞ്ചു രൂപാ തുട്ടിന്റെ ഘനത്തിൽ അരിയുക .വലിയ ഉരുളക്കിഴങ്ങ് ആണെങ്കിൽ രണ്ടായി മുറിച്ചതിനു ശേഷം അരിയുക .
• ഒരു പ്രഷർ കുക്കെറിൽ ആദ്യം ഒരു ടീസ്പൂൺ നെയ്‌ ഒഴിച്ചതിനു ശേഷം ബാക്കി വെളിച്ചെണ്ണ കൂടി ഒഴിക്കുക . നെയ്‌ ചൂടാവുമ്പോൾ ഗ്രാമ്പു ,കറുവാപട്ട ,ഏലക്ക ,തക്കോലം ,പത്തു കുരുമുളക് എന്നിവയിട്ട് ചൂടായി മസാല മൂത്ത മണം വരുമ്പോൾ സവോള അരിഞ്ഞത് പച്ചമുളക് പിളർന്നത് ,ഇഞ്ചി കനം കുറച്ചു അരിഞ്ഞത് എന്നിവചേർത്ത് വഴറ്റുക.സവോളയുടെ നിറം മാറരുത് ഇതിലേക്ക് കഴുകി വെച്ചിരിക്കുന്ന ഇറച്ചിയും ,ഉപ്പും വിന്നാഗിരിയും ചേർത്ത് രണ്ടു മിനിറ്റ് വഴറ്റുക.തുടർന്ന് രണ്ടു കപ്പ്‌ വെള്ളം കൂടി ചേർത്ത് cooker അടച്ചു weight ഇട്ടു whistle വരുന്നത് വരെ കൂടിയ തീയിലും തുടർന്ന് ഏകദേശം 20 മിനിറ്റ് കുറഞ്ഞ തീയിലും വേവിക്കുക.തുടർന്ന് അരിഞ്ഞു വെച്ചിരിക്കുന്ന കാരറ്റ് ,ഉരുളക്കിഴങ്ങ് എന്നിവ ചേർത്ത് ഒരു വിസിൽ വരുന്നത് വരെ  ഒന്നുകൂടി വേവിക്കുക .
• വെളുത്തുള്ളി ബാക്കി കുരുമുളക് കൂടി ചേർത്ത് ചതക്കുക .
• ഒരു ചട്ടി അടുപ്പത്ത് വെച്ച് ചൂടാവുമ്പോൾ ഒരു ടീസ്പൂൺ എണ്ണ ഒഴിക്കുക .എണ്ണ ചൂടാവുമ്പോൾ ചതച്ചു വെച്ചിരിക്കുന്ന വെളുത്തുള്ളിയും കുരുമുളകും ഇട്ടു മൂപ്പിക്കുക .അതിലേക്ക് 2 ടീസ്പൂൺ മൈദ ചേർത്ത് മൂപ്പിക്കുക .തുടർന്ന് അതിലേക്കു രണ്ടാം പാൽ ഒഴിച്ച് കട്ടയില്ലാതെ കലക്കി തിളപ്പിച്ച്‌ ,വേവിച്ച ഇറചിയിലേക്ക് ഒഴിക്കുക.
• ചാർ തടിക്കാൻ തുടങ്ങുമ്പോൾ ഒന്നാം പാൽ ചേർത്ത് ഒന്നുകൂടി തിളപ്പിച്ച്‌ വാങ്ങാം പോരാത്ത ഉപ്പും കുരുമുളക് പൊടിയും അവസാനം ചേർക്കുക .
•  അണ്ടിപ്പരിപ്പ് രണ്ടായി പിളർന്നു എണ്ണയിൽ മൂപ്പിച്ചു ചേർക്കുക .

NB .stew ഒരിക്കലും ഒരുപാട് കുറുകി പോവരുത് .സാമ്പാർ ന്റെ പാകത്തിൽ  അയവുണ്ടാവണം
ഒരുപാടു ഇളക്കി കാരറ്റ് ,ഉരുളക്കിഴങ്ങ് എന്നിവ പൊടിയരുത് .

സ്റ്റെപ് 1 

step 2

step 3

 step 4

step 5

step 6

step 7 

step 8

step 9

 step 10

step 11

step 12 

step 13(Add thick coconut milk)

•